ریاست جمهوری روزشنبه (۴عقرب) دریک خبرنامه گفته است که اشرف غنی، رییس جمهور افغانستان، در دیدارهای جداگانه با آصف علوی، رییس جمهور پاکستان و موپاواراپو وینکیا نایدو، معاون رییس جمهورهند، در حاشیۀ هژدههمین نشست کشورهای جنبش عدم انسلاک، روی روند صلح افغانستان گفت‌وگو کرده‌است.

در این نشست‌ها، آقای غنی با رییس جمهور پاکستان، دربارۀ تلاش‌های ضد هراس‌افگنی، صلح و امنیت گفت‌وگو کرده‌است. بربنیاد خبرنامۀ ارگ، غنی گفته‌است که افغانان می‌خواهند تا پاکستان در روند صلح افغانستان دخیل باشد.

در خبرنامه همچنان آمده‌است که غنی در دیدار جداگانه با معاون رییس جمهور هند در مورد گسترش روابط دوجانبه و تقویت همکاری‌های اقتصادی میان افغانستان و هند گفت‌وگو کرده‌است.