اشرف غنی، رییسجمهور کشور بامداد امروز (پنجشنبه ۱۵ سرطان) در یک سفر رسمی یک روزه، به تاجیکستان رفت.
در یک خبرنامه ریاستجمهوری آمده است که رییسجمهور غنی در رأس یک هیئت بلند رتبۀ دولتی به منظور اشتراک در دومین نشست سران کشورهای "پروژه برق کاسا یک هزار" رأهی شهر دوشنبه، پایتخت تاجیسکتان شد.
خبرنامه میافزاید که غنی در جریان این سفر یک روزه افزون سخنرانی در نشست سران پروژه کاسا یک هزار، با امام علی رحمان، رییسجمهور تاجیکستان روی گُسترش بیشتر روابط میان دو کشور، دیدار و گفتوگو خواهد کرد.
بر بنیاد خبرنامه، همچنان رییسجمهور در نشست سه جانبۀ سران کشورهای افغانستان، تاجیکستان و پاکستان شرکت خواهد کرد و نیز از نمایشگاۀ محصولات زراعتی و مواد غذایی جمهوری تاجیکستان، دیدن میکند.