برخی از هوادران عبدالله عبدالله می‌گویند که زلمی خلیل‌زاد، فرستاده ویژه امریکا برای صلح افغانستان امروز (چهارشنبه ۲۸ حوت) پس از سفرش به دوحه به کابل برگشته‌است و با عبدالله عبدالله دیدار کرده‌است. 

بربنیاد اطلاعات کسان نزدیک به آقای عبدالله، رسیده‌گی به تنش‌های سیاسی و نیز چگونگی آغاز گفت‌وگوهای صلح محورهای گفت‌وگوهای خلیل‌زاد و عبدالله عبدالله بوده‌اند. 

اداره امور ریاست جمهوری می‌گوید که حکومت برای مبارزه با ویروس کرونا در افغانستان، پنج مرکز قرنطین را ولایت‌های هرات و نیمروز ایجاد کرده‌است و نیز یک شفاخانه دوصد بستر را در ولایت کندهار ویژه بیماران کووید نزده کرده‌است.

الهام هوتکی، سرپرست اداره امور ریاست جمهوری می‌گوید که کار برای افزایش ظرفیت‌های بهداشتی در کشور نیز ادامه دارد.