تیم ملی فوتسال زیر ۱۹ سال افغانستان در سومین بازی‌اش در رقابت‌های قهرمانی مرکز آسیا تیم تاجیکستان را ۵ بر ۱ شکست داد.

فوتسال بازان زیر نزده سال افغانستان و تاجیکستان در ادامه رقابت‌های قهرمانی مرکز آسیا پس از چاشت امروز در برابر هم به میدان رفتند.

این بازی را بازیکنان کشور نسبت به حریف شان تاجیکستان بهتر آغاز کردند و سرانجام با نتیجه پر گول ۵ بر ۱ فوتسال بازان تاجیکستان را شکست دادند.

قرار است در ادامه این رقابتها بازیکنان کشور در برابر ازبیکستان به میدان بروند.

مسابقات قهرمانی مرکز آسیا به میزبانی قرقیزستان در شهر بیشکک با شرکت پنج کشور به شمول افغانستان از چند روز به اینسو پی‌گیری شده است.