مقامهای تاجیکستانی، از کشتهشدن پانزده شورشی داعش در درگیری با نیروهای این کشور در مرز با ازبیکستان خبر میدهند.
وزارت داخلۀ جیکستان، میگوید که در این درگیری، دو تن از نیروهای تاجیکستانی نیز کشته شدهاند.
تصویرهایی که از درگیریهای نیروهای تاجیکستانی با شورشیان داعش نشر شدهاند، نشان میدهند که این درگیری در منطقۀ «رودکی»، در شصت کیلومتری شهر دوشنبه، پایتخت تاجیکستان، صورت گرفتهاند.
به گفتۀ وزارت داخلۀ تاجیکستان، ۲۰شورشی داعش، بر یک پاسگاه نیروهای مرزی تاجیکستان در این منطقه حمله کردند؛ اما پانزده تن از آنان از سوی نیروهای تاجیکستانی از پا در آمدند و پنج دیگرشان، پس از فرار به یک روستا، بازداشت شدهاند.
کمیتۀ امنیت ملی تاجیکستان، ادعا میکند که این شورشیان داعش با استفاده از تاریکی شب، از افغانستان وارد تاجیکستان شده بودند.
در همین حاۀ وزارت امور داخله افغانستان نیز میپذیرد که داعش در بخشهایی از افغانستان فعال است.
به تازهگی مایکل کوگلمن، پژوهشگر و مسؤول بخش آسیا در بنیاد امریکایی ویلسون، گفتهاست که داعش در افغانستان، مقاومترین شاخۀ داعش است و از کشورهای آسیای میانه نیز جنگجویانی را جذب کردهاست.
این نخستین بار نیست که داعش در تاجیکستان دست به حلمه میزند. سال گذشته میلادی، شماری از جنگجویان داعش با حمله بر گردشگران خارجی در این کشور، چهار تن را کشته بودند.