د کابل شپږمې ناحیې د شورا سرک سیمه کې د مخابراتو او مالوماتي ټکنالوژۍ وزارت پر موټر چاودنه وشوه.
د کابل پولیس وايي پېښه نن سهار کابو ۹ بجې (دوشنبې د مرغومې په ۲۹مه نېټه) د مقناطیسي ماین له کبله رامنځته شوې ده.
د پولیسو په خبره چاودنه کې موټر څه ناڅه وران شوی، خو چا ته په کې زیان نه دی اوښتی.
همداراز نن سهار د کابل په یوولسمې حوزې کې هم چاودنه شوې ده.
د پېښې شاهدان وايي چې دغه چاودنه د چسپکي ماین له کبله رامنځته شوې ده.
د پېښې مسوولیت چا نه دی منلی.