عطا محمد نور کابل کې د جمعیت اسلامي ګوند لخوا د جوړې شوې کنګرې د رییس په توګه وټاکلو.
د دغې کنګرې ګډونکوونکو (پنجشنبې د کب په ۲۸مه نېټه) په اکثریت رایو ښاغلي عطامحمد ن وټاکلو.
د رایو ورکړې بهیر کې د ۷۵ رایو له ډلې ۶۵ عطامحمد نور، ۷ حفیظ منصور او درې هم قدریې یزدان پرست ته ورکړل شوې وې.
دا په داسې حال کې ده چې د کنګرې پر ناستې یو شمېر وسله والو برید وکړ او په ترڅ کې یې ۳ کسانو ژوند بایلود او څلور نور ټپیان شول.
د اسلامي جمعیت ګوند مشر، عطامحمد نور طلوع نیوز ته وايي چې پر کنګرې د برید د خپلو سیاسي مخالفینو کار او یوه ترهګریزه کړنه ده.
هغه په دې اړه وايي:«کېدی شي چې مخالفت یې له ژبې سره وي، له لیدلوري سره وی، خو د خپلو غوره همسنګرو پر وړاندې د وسلې راویستل، د افغانستان د مخورو پر وړاندې چې خپل ټول عمر یې په جهاد ک تېر کړی، دا یو بد ترهګریز عمل ی.»
په همدې حال کې د صلاح الدین رباني په مشرۍ د جمعیت څانګې مرستیال، احمد ضیا مسعود وايي چې ښاغلي نور پرته له مشورې کنګره جوړه کړې ده.
نوموړی وړاندې وايي:«کله چې یې واورېدل کنګره ترسره کیږي، ټول حیران شول او د کنګرې ځای ته ولاړل او له بده مرغه چې نښته وشوه.»
د جمیعت اسلامي ګوند پر مشرۍ د صلاح الدین رباني او عطا محمد نور ترمنځ کابو ۸ میاشتې مخکې اخلافونه رامنځته شول او دغه ګوند په دوو څانګو وویشل شو.