د کورنیو چارو وزارت نن دوشنبې (د غوايي ۲۰مه) په یوې خبرپاڼه کې وايي چې په زابل ولایت کې د سړک غاړې ماین چاودنې ۱۱ تنه ولسي وګړي وژلي او ۲۸ تنه نور یې ټپیان کړي دي.
خبرپاڼه کې راغلي دي چې دغه پېښه تېره شپه د شهرصفا ولسوالۍ په کمپ مسکان سیمه کې هغه مهال رامنځته شوه چې یو مسافر وړونکی موټر پر ماین برابر شو.
د کورنیو چارو وزارت د دغه کار پړه پر طالبانو اچوي.
بلخوا طالبانو تراوسه په دې هکله څه نه دي ویلي.