پرون یکشنبه، د شینوارو ولسوالۍ "درازګرد" سیمه کې طالبانو پر افغان امنیتي ځواکونو ډزې کړي دي.
د پرون امنیه قوماندان عبدالرووف ارزوګاني نن (دوشنبه د غبرګولي په ۱۰ مه نېټه) وویل، چې امنیتي ځواکونه د طالبانو په کمین اوښتي او د طالبانو په ډزو دوه تنه نظامیان او دوه کسه ملکي کسان ټپیان شوي دي.
ښاغلی اروزګانی وایي، دا پېښه پرون یکشنبه، د شینوارو په ولسوالۍ کې هغه مهال شوې، چې افغان ځواکونه د طالبانو په کمین برابر شول.
د پروان امنیه قوماندان دا هم وایي، چې د افغان ځواکونو او طالبانو ترمنځ نښته کې د پولیسو دوه موټرې هم تخریب شوې دي.
بلخوا طالبانو یوه ویډېو خپره کړې او ادعا یې کړې، چې د دوی په کمین کې دوه تنه افغان سرتېري وژل شوي او دوه رنجر موټرې تخریب شوې دي.