د کابل امنیه قومانداني وایي، نن (پنجشنبه د غبرګولي په ۱۳ مه) ماښام مهال، کابل کې دویمه چاودنه وشوه چې څلور تنه ملکي کسان یې وژلي او پینځه تنه نور یې ټپیان کړي دي.
دا چاودنه ماښام شاوخوا ۷ بجې د کابل په پلسوخته سیمه کې شوې ده.
د کابل پولیس وایي، کېدای شي د مرګژوبلې شمېرې تغییر شي.
نن ماسپښین هم، د کابل دارالامان سیمه کې هم چاودنه شوې وه چې ۴ تنه ملکي کسان یې وژلي وو.
د نن ماښام چاودنه د سپرلۍ پر یوه ټونس موټر شوې ده.
د دواړو پېښو مسوولیت چا نهدی منلی.