Skip to main content
وروستي خبرونه
Thumbnail

اسټین: د افغانستان له پولو ورهاخوا جنګي عملیات پیل شوي

د امریکا د پوځ لوی درستیز ټینګار کوي، چې له افغانستانه د امریکايي پوځیانو له وتلو سره سم، امریکایي ځواکونه له افغان ځواکونو ملاتړ ته دوام ورکوي.

داسې حال کې چې افغانستان کې د امریکا د متحدو ایالتونو او ملګرو یې پوځي ماموریت په ختمېدو دی، د امریکا دفاع وزیر اوس اوس ویلي، چې د امریکا پوځ، د افغانستان له پولو ورهاخوا جنګي عملیات پیل کړي دي.

دغه امریکایی چارواکی وايي، د امریکا جنګي او پرمختیایي چورلکې له خلیجه افغانستان کې د ترهګرۍ ضد عملیات ترسره کوي.

د امریکا د دفاع وزیر لوېډاسټین، چې د امریکا کانګرس کې یې، پر کابل د طالبانو د ولکې د احتمال په تړاو د سناتورانو پوښتنو ته ځوابونه ورکول، داسې یې واضح و نه ویل، چې که کابل د طالبانو تر ګواښ لاندې راشي، نو امریکایي ځواکونه به څه ګام اخلي.؟

د امریکا د مشرانو جرګې یوې غړې جین شهین، د امریکا له دفاع وزیر پوښتنه وکړه، چې:«کولی شئ، ووایئ چې له پولو ورهاخوا د ترهګرۍ ضد ځواک پراختیا لپاره زموږ طرحې چېرې رسېدلې دي او که کابل ته د طالبانو له خوا ګواښ پېښ شي، موږ د افغان ځواکونو د ملاتړ په برخه کې څه کولی شو.؟»

د امریکا دفاع وزیر د دغې پوښتنې په ځواب کې ویلي:«موږ د ځواکونو د ایستلو پر مهال، له افغان ځواکونو د ملاتړ برابرولو ته دوام ورکوو. کله چې د ځواکوو د ایستلو لړۍ بشپړه شي، د دې کار ملاتړ به ګران وي، ځکه په هغه هېواد کې به زموږ ځواک راکم شي. زه په ریښتیا هم نه غواړم، چې راتلونکې کې زموږ د احتمالي پایلې یا فعالیت په هکله څه ګومان وکړم. خو ولسمشر په څرګنده ویلي، چې افغانستان کې زموږ ماموریت بشپړ شوی او موږ د ځواکونو او وسایلو په
رایستلو پام ساتو.»

د امریکا دفاع وزیر لوېډاسټین وایي، امریکا له همدااوسه، د افغانستان له پولو دباندې جنګي او پرمختیایي عملیات پیل کړي دي.

ښاغلي اسټین وویل:«راتلونکې کې به د ترهګرۍ ضد چارې پر هغو لوریو ورټولې وي، چې کېدلی شي، پر موږ بریدونه وکړي. موږ د خپلو وسایلو لپاره د پولو نه دباندې ډېرې چارې سرته رسوو. له خلیجه د پلټنې عملیات ترسره کوو، زموږ ډېر عملیات به له خلیجه ترسره کېږي.»

د امریکا د دفاع وزیر زیاته کړه:«اوس د دې کار وس لرو. هڅه کوو، چې د افغانستان ګاونډیو هېوادونو کې زموږ د وړتیاوو ځای پر ځای کولو سره، زموږ د الوتکو د تګ راتګ لار رالنډه کړو.»

په همدې حال کې، د امریکا د پوځ لوی درستیز ټینګار کوي، چې له افغانستانه د امریکايي پوځیانو له وتلو سره سم، دا ځواکونه له افغان ځواکونو ملاتړ ته دوام ورکوي.

د امریکا د پوځ لوی درستیز مارک مېلي ویلي:«همدا اوس چې خبرې کوم، زموږ ځواکونه خوندي، مسوولانه او پلان شوي له افغانستانه په وتلو دي او په عین وخت کې موږ د افغانستان له امنیتي ځواکونو ملاتړ ته دوام ورکوو.»

په ورته وخت کې د رویټرز خبري اژانس داسې رپوټ خپور کړی، چې طالبان په افغانستان کې د ترکیې احتمالي پوځي حضور سره مخالف دي.

دا مخالفت داسې مهال دی، چې ترکیې وړاندیز کړی، چې له افغانستانه د بهرنیو ځواکونو تر وتلو وروسته د کابل د هوایي ډګر امنیت ټینګوي. رویټرز وایي، د ترکیې له موخو یوه واشنګټن سره د اړیکې لا نږدې کول دي، چې دې وروستیو کې له دې کبله خړې‌پړې شوي، چې انقرې له ورسیې ایس ۴۰۰ توغندي پېرلي دي.

اسټین: د افغانستان له پولو ورهاخوا جنګي عملیات پیل شوي

د امریکا دفاع وزیر لوېډاسټین وایي، امریکا له همدااوسه، د افغانستان له پولو دباندې جنګي او پرمختیایي عملیات پیل کړي دي.

Thumbnail

د امریکا د پوځ لوی درستیز ټینګار کوي، چې له افغانستانه د امریکايي پوځیانو له وتلو سره سم، امریکایي ځواکونه له افغان ځواکونو ملاتړ ته دوام ورکوي.

داسې حال کې چې افغانستان کې د امریکا د متحدو ایالتونو او ملګرو یې پوځي ماموریت په ختمېدو دی، د امریکا دفاع وزیر اوس اوس ویلي، چې د امریکا پوځ، د افغانستان له پولو ورهاخوا جنګي عملیات پیل کړي دي.

دغه امریکایی چارواکی وايي، د امریکا جنګي او پرمختیایي چورلکې له خلیجه افغانستان کې د ترهګرۍ ضد عملیات ترسره کوي.

د امریکا د دفاع وزیر لوېډاسټین، چې د امریکا کانګرس کې یې، پر کابل د طالبانو د ولکې د احتمال په تړاو د سناتورانو پوښتنو ته ځوابونه ورکول، داسې یې واضح و نه ویل، چې که کابل د طالبانو تر ګواښ لاندې راشي، نو امریکایي ځواکونه به څه ګام اخلي.؟

د امریکا د مشرانو جرګې یوې غړې جین شهین، د امریکا له دفاع وزیر پوښتنه وکړه، چې:«کولی شئ، ووایئ چې له پولو ورهاخوا د ترهګرۍ ضد ځواک پراختیا لپاره زموږ طرحې چېرې رسېدلې دي او که کابل ته د طالبانو له خوا ګواښ پېښ شي، موږ د افغان ځواکونو د ملاتړ په برخه کې څه کولی شو.؟»

د امریکا دفاع وزیر د دغې پوښتنې په ځواب کې ویلي:«موږ د ځواکونو د ایستلو پر مهال، له افغان ځواکونو د ملاتړ برابرولو ته دوام ورکوو. کله چې د ځواکوو د ایستلو لړۍ بشپړه شي، د دې کار ملاتړ به ګران وي، ځکه په هغه هېواد کې به زموږ ځواک راکم شي. زه په ریښتیا هم نه غواړم، چې راتلونکې کې زموږ د احتمالي پایلې یا فعالیت په هکله څه ګومان وکړم. خو ولسمشر په څرګنده ویلي، چې افغانستان کې زموږ ماموریت بشپړ شوی او موږ د ځواکونو او وسایلو په
رایستلو پام ساتو.»

د امریکا دفاع وزیر لوېډاسټین وایي، امریکا له همدااوسه، د افغانستان له پولو دباندې جنګي او پرمختیایي عملیات پیل کړي دي.

ښاغلي اسټین وویل:«راتلونکې کې به د ترهګرۍ ضد چارې پر هغو لوریو ورټولې وي، چې کېدلی شي، پر موږ بریدونه وکړي. موږ د خپلو وسایلو لپاره د پولو نه دباندې ډېرې چارې سرته رسوو. له خلیجه د پلټنې عملیات ترسره کوو، زموږ ډېر عملیات به له خلیجه ترسره کېږي.»

د امریکا د دفاع وزیر زیاته کړه:«اوس د دې کار وس لرو. هڅه کوو، چې د افغانستان ګاونډیو هېوادونو کې زموږ د وړتیاوو ځای پر ځای کولو سره، زموږ د الوتکو د تګ راتګ لار رالنډه کړو.»

په همدې حال کې، د امریکا د پوځ لوی درستیز ټینګار کوي، چې له افغانستانه د امریکايي پوځیانو له وتلو سره سم، دا ځواکونه له افغان ځواکونو ملاتړ ته دوام ورکوي.

د امریکا د پوځ لوی درستیز مارک مېلي ویلي:«همدا اوس چې خبرې کوم، زموږ ځواکونه خوندي، مسوولانه او پلان شوي له افغانستانه په وتلو دي او په عین وخت کې موږ د افغانستان له امنیتي ځواکونو ملاتړ ته دوام ورکوو.»

په ورته وخت کې د رویټرز خبري اژانس داسې رپوټ خپور کړی، چې طالبان په افغانستان کې د ترکیې احتمالي پوځي حضور سره مخالف دي.

دا مخالفت داسې مهال دی، چې ترکیې وړاندیز کړی، چې له افغانستانه د بهرنیو ځواکونو تر وتلو وروسته د کابل د هوایي ډګر امنیت ټینګوي. رویټرز وایي، د ترکیې له موخو یوه واشنګټن سره د اړیکې لا نږدې کول دي، چې دې وروستیو کې له دې کبله خړې‌پړې شوي، چې انقرې له ورسیې ایس ۴۰۰ توغندي پېرلي دي.

شریک یي کړئ

په دې اړه مو اندونه