امنیتي سرچینو نن (سهشنبه د غبرګولي په ۲۵ مه) ویلي، چې بغلان کې د طالبانو برید کې ۶ سرتېري وژل شوي او ۱۶ نور ټپیان دي.
د سرچینو په وینا، تېره شپه، د بغلان مرکز پلخمري ښار ته نږدې، د افغان ځواکونو او طالبانو ترمنځ وروسته تر هغې نښته وشوه، چې طالبانو پر یوه پوسته برید وکړ.
د سرچینو په وینا، په نښته کې دوه هاموې ټانکونه او یوه پوسته هم ویجاړه شوې او د نظامیانو وسلې طالبانو وړې دي.
طالبانو هم منلې چې دا برید یې کړی دی.
د بغلان چارواکو لا تراوسه په دې هکله څه نه دي ویلي.