د کندهار پولیسو نن (چهارشنبه د چنګاښ په دویمه) ویلي، چې پرون ماښام میوند ولسوالۍ کې د ملکیانو په سپرلۍ موټر چاودنه شوې.
د کندهار د پولیسو په وینا دې پېښه کې ۵ کسان وژل شوي او د ښځو او ماشومانو په ګډون شاوخوا ۲۰ نور ټپیان دي.
د کندهار چارواکو په وینا، پېښه د کابل - کندهار لویې لارې اوږدو کې د کندهار میوند ولسوالۍ اړوندو کې شوې ده.
چارواکي وایي د سپرلۍ دا موټر له کابله هلمند ته روان وو.
د پېښې ټپیان د کندهار روغتون ته رسول شوي دي.
د طالبانو په ګډون کومې ډلې تر اوسه د چاودنې مسوولیت نه دی منلی.
دوه ورځې وړاندې د کندهار میوند ولسوالي د طالبانو لاس ته ولوېده.