Skip to main content
وروستي خبرونه
تصویر بندانگشتی

د کابل تر ولکې وروسته بې ځایه شویو ته د مرستو بهیر په ټپه درېدلی

کابل کې د جګړې بې ځایه شوي وايي چې د طالبانو لاس ته د یاد ولایت له لوېدو سره هغوی ته د مرستې بهیر په ټپه درېدلی او په تېرو څلورو ورځو کې هغوی ته د اوبو او ډوډۍ د رسونې په برخه کې چا ورسره مرسته نه ده کړې.

د جګړې دغه بې ځایه شوي کسانو په وینا، ماشومان یې وږي پاتې دي.

د طالبانو لاس ته په پرله پسې توګه د ولایتونو له لوېدو وروسته، په زرګونو کورنیو له جګړې تېښته وکړه او کابل ته یې پناه راوړه؛ خو دومره موده تېره نه شوه چې کابل او د دغې ډلې لاس ته ولوېد.

د جګړې بې ځایه شوي وايي له هغې مهاله چې کابل د طالبانو لاس ته ولوېد، هېڅ بنسټ له هغوی سره مرسته نه ده کړې.

د کندوز جګړې بې ځایه شوی عبدالحمید وايي:«د طالبانو له راتګ وروسته، سوداګر هم ورک شول. موسسې هم ورکې شوې. یوه اوونۍ کېږي چې موږ نه ډوډۍلرو او نه هم اوبه.»

ګل نسا چې هغه هم کندوز کې د جګړې له امله بې ځایه شوې څرګندوي:«زموږ سیمې دې امنې شي چې موږ بېرته خپلو کورونو ته ولاړ شو.» 

د ملګرو ملتونو سازمان د شمېرو پر بنسټ په ټول افغانستان کې د څو میاشتو وروستیو جګړو په لړ کې، څه باندې ۳۹۰ زره تنه بې ځایه شوي دي چې یوازې کابو ۳۰ زره کورنیو یې کابل ته پناه راوړې ده. 

د کابل تر ولکې وروسته بې ځایه شویو ته د مرستو بهیر په ټپه درېدلی

د ملګرو ملتونو سازمان د شمېرو پر بنسټ په ټول افغانستان کې د څو میاشتو وروستیو جګړو په لړ کې، څه باندې ۳۹۰ زره تنه بې ځایه شوي دي چې یوازې کابو ۳۰ زره کورنیو یې کابل ته پناه راوړې ده. 

تصویر بندانگشتی

کابل کې د جګړې بې ځایه شوي وايي چې د طالبانو لاس ته د یاد ولایت له لوېدو سره هغوی ته د مرستې بهیر په ټپه درېدلی او په تېرو څلورو ورځو کې هغوی ته د اوبو او ډوډۍ د رسونې په برخه کې چا ورسره مرسته نه ده کړې.

د جګړې دغه بې ځایه شوي کسانو په وینا، ماشومان یې وږي پاتې دي.

د طالبانو لاس ته په پرله پسې توګه د ولایتونو له لوېدو وروسته، په زرګونو کورنیو له جګړې تېښته وکړه او کابل ته یې پناه راوړه؛ خو دومره موده تېره نه شوه چې کابل او د دغې ډلې لاس ته ولوېد.

د جګړې بې ځایه شوي وايي له هغې مهاله چې کابل د طالبانو لاس ته ولوېد، هېڅ بنسټ له هغوی سره مرسته نه ده کړې.

د کندوز جګړې بې ځایه شوی عبدالحمید وايي:«د طالبانو له راتګ وروسته، سوداګر هم ورک شول. موسسې هم ورکې شوې. یوه اوونۍ کېږي چې موږ نه ډوډۍلرو او نه هم اوبه.»

ګل نسا چې هغه هم کندوز کې د جګړې له امله بې ځایه شوې څرګندوي:«زموږ سیمې دې امنې شي چې موږ بېرته خپلو کورونو ته ولاړ شو.» 

د ملګرو ملتونو سازمان د شمېرو پر بنسټ په ټول افغانستان کې د څو میاشتو وروستیو جګړو په لړ کې، څه باندې ۳۹۰ زره تنه بې ځایه شوي دي چې یوازې کابو ۳۰ زره کورنیو یې کابل ته پناه راوړې ده. 

شریک یي کړئ