Skip to main content
وروستي خبرونه
تصویر بندانگشتی

د شینوارو ولسوالیو ته د زرګونه بې ځایه شویو کورنیو بېرته ورتګ

د ننګرهار شینوارو ولسواليو ته زرګونه هغه کورنۍ بېرته ستنې شوي چې د تېرو کلونو د جګړو له امله بې‌ ځایه شوې وې.

 د دغو کورنيو يو زیات شمېر يې اچین ولسوالۍ د اسدخېلو اوسېدونکي دي چې، د جګړو، پوځي عملیاتو او پر ياده سیمه د بهرنيو ځواکونو د ''مادربم'' تر بريد وروسته ګډې کېدو ته اړ شوې وې.

د اچین د اسدخېلو د کلي اوسېدونکي په دغه کلي کې کنډوالې د بمونو د مور په نامه د ستر بم، میراث يادوي، چې ګواکې څو کاله مخکې بهرنيو ځواکونو پر دغه سیمه د داعش پر ضد وکاروه.

ناصرخان د همدې کلي اوسېدونکی دی، چې د کابو دوه کاله کډوالۍ وروسته تازه بېرته خپل کلي ته را ستون شوی. هغه وايي، د دې سیمې ډېرې برخې ویجاړ شوي او اوسېدونکي يې د بېرته جوړېدو مالي توان نه‌لري.

هغه زیاتوي:«څوک د خپل کور د بېرته جوړولو وس نه لري دلته د بمونو مور وکارول شوه دلته په لسګونه کورونه ویجاړ شول.»

د اچین د اسدخېلو بل اوسېدونکی خان پور هم وايي:«له اسلامي امارته او نړۍوالو غواړو چې موږ ته پاملرنه وکړي او له موږ سره همکاري وکړي؛ دلته کلینک او ښوونځي شتون نه لري.»
  
ځايي اوسېدونکي وايي، د څو کلونو جګړو، نه يوازې د شینوارو خلکو ته مالي ځایونه اړولي، بلکې ډېرو ملکي خلکو ته په‌کې مرګ ژوبله هم اوښتې ده.

په تېرو څو کلونو کې پر سپين‌غره سربېره، د شینوارو له کابو ټولو ولسوالیو زرګونه کورنۍ د جګړو له امله کډه کولو ته مجبوره شوې وې. 

د ننګرهار د کډوالو چارو ریاست وايي، اوس د دغو بې‌ځایه شوو کورنيو، ډېرې يې بېرته خپلو سیمو ته ستانه شوي او پاتې يې د ستنېدو په حال کې دي.

د ننګرهار کډوالو چارو ریاست مرستیال دنیا ګل شینواری څرګندوي:«په دې هکله له بهرنیو موسسو سره په اړیکه کې یوو چې مرسته وکړي. ښوونځی او کلینک او بندونه جوړ کړي او د کرنې په برخه کې مرسته وکړي.»

د افغانستان د کډوالو چارو وزارت پر ننګرهار سربېره په یو شمېر نورو ولايتونو هم د هغه د بېځایه شوو د انتقال لړۍ پيل کړې‌ چې، د تېرو کلونو په جګړو کې بې‌ځایه شوي دي، خو دا کورنۍ وايي، په لویه کچه مرستو ته اړتیا لري، څو بېرته يې ژوند عادی شي.

د شینوارو ولسوالیو ته د زرګونه بې ځایه شویو کورنیو بېرته ورتګ

ځايي اوسېدونکي وايي، د څو کلونو جګړو، نه يوازې د شینوارو خلکو ته مالي ځایونه اړولي، بلکې ډېرو ملکي خلکو ته په‌کې مرګ ژوبله هم اوښتې ده.

تصویر بندانگشتی

د ننګرهار شینوارو ولسواليو ته زرګونه هغه کورنۍ بېرته ستنې شوي چې د تېرو کلونو د جګړو له امله بې‌ ځایه شوې وې.

 د دغو کورنيو يو زیات شمېر يې اچین ولسوالۍ د اسدخېلو اوسېدونکي دي چې، د جګړو، پوځي عملیاتو او پر ياده سیمه د بهرنيو ځواکونو د ''مادربم'' تر بريد وروسته ګډې کېدو ته اړ شوې وې.

د اچین د اسدخېلو د کلي اوسېدونکي په دغه کلي کې کنډوالې د بمونو د مور په نامه د ستر بم، میراث يادوي، چې ګواکې څو کاله مخکې بهرنيو ځواکونو پر دغه سیمه د داعش پر ضد وکاروه.

ناصرخان د همدې کلي اوسېدونکی دی، چې د کابو دوه کاله کډوالۍ وروسته تازه بېرته خپل کلي ته را ستون شوی. هغه وايي، د دې سیمې ډېرې برخې ویجاړ شوي او اوسېدونکي يې د بېرته جوړېدو مالي توان نه‌لري.

هغه زیاتوي:«څوک د خپل کور د بېرته جوړولو وس نه لري دلته د بمونو مور وکارول شوه دلته په لسګونه کورونه ویجاړ شول.»

د اچین د اسدخېلو بل اوسېدونکی خان پور هم وايي:«له اسلامي امارته او نړۍوالو غواړو چې موږ ته پاملرنه وکړي او له موږ سره همکاري وکړي؛ دلته کلینک او ښوونځي شتون نه لري.»
  
ځايي اوسېدونکي وايي، د څو کلونو جګړو، نه يوازې د شینوارو خلکو ته مالي ځایونه اړولي، بلکې ډېرو ملکي خلکو ته په‌کې مرګ ژوبله هم اوښتې ده.

په تېرو څو کلونو کې پر سپين‌غره سربېره، د شینوارو له کابو ټولو ولسوالیو زرګونه کورنۍ د جګړو له امله کډه کولو ته مجبوره شوې وې. 

د ننګرهار د کډوالو چارو ریاست وايي، اوس د دغو بې‌ځایه شوو کورنيو، ډېرې يې بېرته خپلو سیمو ته ستانه شوي او پاتې يې د ستنېدو په حال کې دي.

د ننګرهار کډوالو چارو ریاست مرستیال دنیا ګل شینواری څرګندوي:«په دې هکله له بهرنیو موسسو سره په اړیکه کې یوو چې مرسته وکړي. ښوونځی او کلینک او بندونه جوړ کړي او د کرنې په برخه کې مرسته وکړي.»

د افغانستان د کډوالو چارو وزارت پر ننګرهار سربېره په یو شمېر نورو ولايتونو هم د هغه د بېځایه شوو د انتقال لړۍ پيل کړې‌ چې، د تېرو کلونو په جګړو کې بې‌ځایه شوي دي، خو دا کورنۍ وايي، په لویه کچه مرستو ته اړتیا لري، څو بېرته يې ژوند عادی شي.

شریک یي کړئ

په دې اړه مو اندونه