د کابل امنیې قومندانۍ وايي، نن (جمعه) سهار د کابل ښار دیارلسمې امنیتې حوزې اړوند په کاج ښوونیز مرکزې کې چاودنې لږ تر لږه ۱۹ کسان وژلي او اووه ویشت نور ټپیان دي.
د کابل امنیې قومندانۍ ویاند خالد ځدراڼ وايي، زدهکوونکې د کانکور ازمایښتې ازموینې په ورکولو بوخت و چې چاودنه شوې ده.
دا شمېرې د لومړنیو مالوماتو پر بنسټ خپرې شوي.
خو په کابل کې د ایمر جنسي روغتون مسوولان وايي چې دوی ته له دې پېښې ۲۲ جسدونه ور وړل شوي دي.
ورته مهال د پېښې عیني شاهدان طلوعنیوز ته وايي، دا پېښه یو ځانمرګی برید و او امبولانسونه د پېښې قربانیان نږدې روغتیايي مرکزونو ته لېږدوي.
تر دې دمه هېڅ ډلې د دې پېښې مسوولیت پر غاړه نهدی منلی.