د شپې، د دیني علومو او اخصاصي یا څوارلسم پاسو د کانکور ازموینې پایلې نن یکشنبې (د سلواغې په ۹مه) اعلان شوې
د کانکور د ازموینو ملي اداره وايي، چې د کابل اوسېدونکی سعادت الله په دې ازموینه کې د ۲۷۵ نمرو په ترلاسه کولو سره لومړی مقام خپل کړی او د کابل د اقتصاد پوهنځي ته کامیاب شوی دی.
د دغه رياست سرپرست ډاډ ورکړی چې د شپې پوهنتونو د کانکور ازموينه په شفاف ډول ترسره شوې ده.
د آزموینې کمېټې آمر دوست محمد فیضي وايي:«په امتحان کې مجموع له درې برخو څخه، چې څوارلسم پاسان، دیني علومو او شبانه پوهنځیو ګډونوال وو، آزموینه واخیستل شوه.»
د ازموینو د ملي ادارې سرپرست زیاتوي، د کانکور ازموینې په بهیر کې پوره روڼتیا په پام کې نیول شوې ده.
د آزموینو د ملي ادارې سرپرست عبدالباقي حقاني وویل:«د تېر پرتله الحمدلله د دې ازموینو شفافیت او اسانتیاوې ډېرې وي او موږ خپلو ځوانانو او ولس ته ډاډ ورکوو، چې ځوانانو ته به ښې اسانتیاوې برابرې کړو.»
د پوښتنو د بانک د تنظیم مشر د شمېرو له مخې، د سږکال په ازموینه کې څه باندې څلور زره او پنځه سوه زده کوونکو برخه اخیستې وه.
د پوښتنو بانک د تنظیم مشر سید روضت الله مجید څرګندوي:«په اختصاصي برخه کې ۲۰۳۰ کسانو برخه اخیستې وه، چې ۱۱۵۶ تنه کامیاب شوي، ۱۴۶۳ تنو د مدرسو یا دیني علومو په ازموینه کې ګډون کړی و، چې له ډلې يې ۱۰۵۰ تنه بریالي شوي او د شبانه په ازموینه کې ۱۰۵۸ تنو برخه اخیستې وه، چې له جملې يې ۷۷۶ تنه کامیاب شوي دي.»
د کانکور ازموینې د ملي ادارې سرپرست وایي، که څوک د دغې ازموینې له پایلو شکایت لري، ورته به رسېدنه وشي.
په دې اړه مو اندونه