د افغانستان لپاره د اروپايي ټولنې ځانګړی استازی وایي، پاکستان ته د سفر په لړ کې یې له پاکستاني چارواکو سره په افغانستان کې د ټولګډونه حکومت د جوړېدو په تړاو خبرې کړې دي.
د اروپايي ټولنې دغه چارواکی پر ټویټر زیاته کړې، نه غواړي چې افغانستان څنډې ته شي.
د افغانستان لپاره د اروپايي ټولنې ځانګړی استازی توماس نېکلاسون وايي: «په داسې حال کې چې موږ نه غواړو افغانستان منزوي کړو، د طالبانو د رژیم په رسمیت پېژندل د میز پر سر نهلرو. موږ د یوه ټولګډونه حکومت جوړېدو او د بشري حقونو او ازادیو د ملاتړ په تړاو خبرې وکړې.»
بل لور ته اسلامي امارت وايي، سرپرست حکومت له نړۍ سره د ښو اړیکو غوښتونکی دی او اروپايي ټولنه باید د اسلامي امارت د په رسمیت پیژندلو په اړه عملي ګامونه پورته کړي.
د اسلامي امارت ویاند ذبیحالله مجاهد وايي: «اسلامي امارت هم غواړي چې افغانستان انزوا ته لاړ نهشي او د اروپايي هېوادونو په ګډون له نړۍ سره ښې اړیکې غواړي، خو اروپايي ټولنه هم باید د رسمیت پېژندو برخه کې عملي ګامونه پورته کړي.»
بل خوا د سیاسي چارو یو شمېر شنونکي د افغانستان د سرپرست حکومت او اروپايي چارواکو تر منځ پر مخامخ خبرو ټینګار کوي.
د سیاسي چارو شنونکی هاتف مختار وايي: «تر ټولو د مخه اروپا ته اړتیا ده چې د افغانستان له اسلامي نظام سره مخامخ خبرې وکړي. د تحریمونو ژبه د نړیوالو قوانینو تر سیوري لاندې د ملتونو خلاف ده.»
د سیاسي چارو شونکی احمد خان اندړ زیاتوي: «کله چې طالبان په غیر دولتي ادارو کې د ښځو کاربندیز په اړه فرمانونه صادروي؛ نو زموږ پر ټولنې مستقیم اغیز کوي.»
تر دې وړاندې هم د ایران په ګډون ډېری هېوادونو په افغانستان کې پر ټولګډونه حکومت جوړېدو ټینګار کړی، خو اسلامي امارت تل ویلي چې اوسنی حکومت ټولګډونه دی.
په دې اړه مو اندونه