اسلامي امارت وايي چې تراوسه هېڅ داسې سند نه دی ترلاسه شوی چې په کابل کې د ایمن الظواهري وژل کېدل ثابت کړي.
د اسلامي امارت ویاند ذبیح الله مجاهد هم ټينګار کوي چې په افغانستان کې د القاعده ډلې د مشر وژل کېدل لاهم د یوې ادعا په حد کې ده.
ښاغلي مجاهد وویل:«تراوسه موږ دې پایلې ته نه یوو رسېدلي او روښانه او څرګنده دلیل هم نه دی ترلاسه شوی چې ثابت کړي داسې یوه پېښه دې شوې وي، دا تراوسه هم د امریکا له خوا د یوې ادعا په حد کې ده چې موږ د قناعت وړ دلیل نه دی ترلاسه کړی.»
د کابل په یوې ډپيلوماټیک مېشته سیمه کې د امریکا د بېپيلوټې الوتکې په یوه برید کې د القاعده ډلې د مشر د وژل کېدو په هکله د سپینې ماڼۍ له ادعا شپږمیاشتې تېرېږي.
که څه هم کابل دغه برید وغنده؛ خو د مرګ ژوبلې او د ژول شویو د پېژاند په هکله یې جزیات ورنه کړل.
د سیاسي او نظامي چارو ځیني شنونکي وایي، چې د ایمن الظواهري وژل کېدل یوه معما ده او ټينګار کوي، چې یو نړۍوال ټيم دې په دې برخه کې د ګونګتیا د له منځه وړو لپاره څېړنه وکړي.
د نظامي چارو شنونکی اسدالله ندیم وايي:«د عامه افکارو د ابهام لېرې کولو لپاره، غوره ده چې دواړه لوري هوکړه وکړي چې په دې هکله یوه نړۍواله مسلکي ډله څېړنه وکړي، او حقیقت د نړۍ او افغانستان خلکو ته ورسوي.»
د سیاسي چارو شنونکي بلال فاطمي وویل:«دا د ای اس ای او سي ای اې د خپلې ادعا د تطبیق لپاره چې افغانستان ګواکې د ترهګرۍ مرکز دی یو استخباراتي پلان دی.»
امریکا متحده ایالتونو د یکشنبې په ورځ، د روان کال د زمري پر لسمه د کابل په شیرپور سیمه کې یو هوایي برید وکړ او ادعا یې وکړه، چې په دغه برید کې په کابل کې د القاعده شبکې مشر ایمن الظواهري وژل شوی دی.
خو تر اوسه امریکامتحده ایالتونو هېڅ داسې ویډيو نه ده خپره کړې چې وښيي، ایمن الظواهري وژل شوی دی.
په دې اړه مو اندونه