Skip to main content
وروستي خبرونه
Thumbnail

بهرنیو چارو وزارت: بلال کریمي چین کې د رسمي سفیر په توګه ومنل شو

بهرنیو چارو وزارت وایي، چین بلال کریمي د اسلامي امارت رسمي سفیر په توګه منلی دی.

یاد وزارت په یو خبرپاڼه کې ویلي، چې بلال کریمي د چین بهرنیو چارو وزارت د تشریفاتو رییس ته خپل باورلیک ورسپارلی دی.

د اسلامي امارت ویاند، ذبیح الله مجاهد و ویل: «بلال کریمي بیجینګ کې رسما د اسلامي  امارت په توګه معرفي شو او انشا الله چې خدمت به هم کوي او دا د رسمیت پیژندنې برخه کې یو نیک ګام دی.»

د سیاسي چارو ځینې شنونکي بیا د چین له لوري د اسلامي امارت د لومړني سفیر منل د نورو هېوادونو او کابل ترمنځ د اړیکو د ښه والي لپاره ګټور بولي.

د نړۍوالو اړیکو شنونکي، واحد فقیري و ویل: «د چین او اسلامي امارت ترمنځ اړیکې تودې شوي دي او داسې ښکاري چې چین غواړي دا اړیکې لا پسې پراخې کړي.»

پخواني ډيپلوماټ، مهدي منادي طلوع نیوز ته و ویل: «په دې پړاو کې چین د رسمي تعامل ټولې کړنې کوي خو په رسمي توګه یې اعلان نه دی کړی.»

تر دې مخکې، د سرپرست حکومت رییس الوزرا د یو لړ مراسمو په ترڅ کې په کابل کې د چین د سفیر ژائو شنګ باور لیک منلی و.

بهرنیو چارو وزارت: بلال کریمي چین کې د رسمي سفیر په توګه ومنل شو

یاد وزارت په یو خبرپاڼه کې ویلي، چې بلال کریمي د چین بهرنیو چارو وزارت د تشریفاتو رییس ته خپل باورلیک ورسپارلی دی.

Thumbnail

بهرنیو چارو وزارت وایي، چین بلال کریمي د اسلامي امارت رسمي سفیر په توګه منلی دی.

یاد وزارت په یو خبرپاڼه کې ویلي، چې بلال کریمي د چین بهرنیو چارو وزارت د تشریفاتو رییس ته خپل باورلیک ورسپارلی دی.

د اسلامي امارت ویاند، ذبیح الله مجاهد و ویل: «بلال کریمي بیجینګ کې رسما د اسلامي  امارت په توګه معرفي شو او انشا الله چې خدمت به هم کوي او دا د رسمیت پیژندنې برخه کې یو نیک ګام دی.»

د سیاسي چارو ځینې شنونکي بیا د چین له لوري د اسلامي امارت د لومړني سفیر منل د نورو هېوادونو او کابل ترمنځ د اړیکو د ښه والي لپاره ګټور بولي.

د نړۍوالو اړیکو شنونکي، واحد فقیري و ویل: «د چین او اسلامي امارت ترمنځ اړیکې تودې شوي دي او داسې ښکاري چې چین غواړي دا اړیکې لا پسې پراخې کړي.»

پخواني ډيپلوماټ، مهدي منادي طلوع نیوز ته و ویل: «په دې پړاو کې چین د رسمي تعامل ټولې کړنې کوي خو په رسمي توګه یې اعلان نه دی کړی.»

تر دې مخکې، د سرپرست حکومت رییس الوزرا د یو لړ مراسمو په ترڅ کې په کابل کې د چین د سفیر ژائو شنګ باور لیک منلی و.

شریک یي کړئ

په دې اړه مو اندونه