Skip to main content
وروستي خبرونه
تصویر بندانگشتی

په مزار شریف کې د لاسي صنایعو او کورنیو تولیداتو نندارتون جوړ شو

مزارشریف ښار کې د مولانا جلال الدین محمد بلخي په نوم د کورنیو تولیداتو او لاسي صنایعو درې ورځنی نندارتون جوړ شوی و.

ددغه نندارتون د جوړولو موخه د کورنیو تولیداتو وده او بازار موندنه بلل شوې ده.

په ۱۳۰ غرفو کې کورني تولیدات نندارې ته اېښودل شوي چې تر ۸۰ ډېرې غرفې ښځو ته ځانګړې شوې دي.

د بلخ د سوداګرۍ او پانګونې خونې رییس، اسدالله اسدي و ویل: «موږ د نارینه و او ښځو په سالون کې شاوخوا ۱۳۰ غرفې لرو چې څه باندې ۸۰ یې ښځو ته ځانګړې شوې دي او ۵۰ نورې یې د سړیو دي.»
د بلخ د والي مرستیال، نورالهادي ابو ادریس هم و ویل: «موږ تل سوداګرو ته ویلي چې راشي او په افغانستان کې پانګونه وکړي. په افغانستان کې شرکتونه او کارخونې هم جوړې کړي او د نړۍ په هر ګوټ کې چې وي راشي ځکه افغانستان اوس امن دی.»

افغانستان کې د کار نړیوال سازمان مسوول وايي دوی د افغانستان د خلکو په ځانګړې توګه صنعت کارانو ترڅنګ ولاړ دي او په راتلونکې کې هم د میرمنو ملاتړ لپاره پروګرامونه لري.

افغانستان کې د کار نړیوال سازمان مسوول، رامین بهزاد و ویل: «د کار نړۍوال سازمان په تېرو درېیو کلونو کې د افغانستان په شمال کې څه باندې ۲۸ زره کسانو ته خدمتونه وړاندې کړې دي او په مستقیم ډول یې د څه باندې سلو کوچنیو او منځنیو کارونو او کسبونو مالي ملاتړ کړی چې په شمال کې ۱۰۰۰ کارونو د رامنځته کېدو لامل شوی دی.»

ددغه نندارتون ګډون وال د دا ډول نندارتونونو جوړول له کورنیو تولیداتو سره د خلکو اشنا کېدل او د میرمنو اقتصادي فعالیتونو پیاوړتیا برخه کې ګټور بولي.

غرفه لرونکی، عبدالصمد سروري وايي: «موږ ډیر خوښ یو چې دا ډول پروګرامونه جوړیږي ځکه زموږ لپاره ډیر ګټور دي او کولای شي پر کورنیو شرکتونو او کمپنیو د خلکو باور زیات کړي.»

یوې بلې غرفه لرونکې، پروانې حبیبي هم د طلوع نیوز خبریال ته و ویل: «د دا ډول نندارتونونو جوړول زموږ لپاره ډير ګټور تمامیږي او موږ غواړو چې دا ډول نندارتونونه بیا بیا جوړ شي ځکه زموږ د بازارموندنې او پېر او پلور لپاره ګټه کوي.»

د صنعت او سوداګرۍ وزارت د نندارتونونو جوړولو مسوول وايي په پام کې ده چې روان لمریز کال ۵۰ کورني او بهرني نندارتونونه جوړ شي.

د صنعت او سوداګرۍ وزارت د نندارتونونو جوړولو مسوول، خادم محمد عابد و ویل: «د اسلامي امارت د صنعت او سوداګرۍ وزارت د نندارتونونو ریاست په ۱۴۰۳ کال کې د ۵۰ نندارتونو جوړول په پام کې لري چې د بلخ دا نندارتون یې یوه بېلګه ده. نور نندارتونونه به هم جوړ شي چې له ۵۰ نندارتونونو ۹ یې له هېواده بهر، په تاجېکستان، ازبېکستان، ترکمنستان، روسیې او ترکیه کې ترسره کېدونکي دي.»

د معلوماتو پربنسټ وروستیو میاشتو کې په بېلابېلو ولایتونو کې د نندارتونونو جوړولو لړۍ چټکه شوې او صنعت کاران یې د کورنیو تولیداتو ودې لپاره ګټور بولي.

په مزار شریف کې د لاسي صنایعو او کورنیو تولیداتو نندارتون جوړ شو

په ۱۳۰ غرفو کې کورني تولیدات نندارې ته اېښودل شوي چې تر ۸۰ ډېرې غرفې ښځو ته ځانګړې شوې دي.

تصویر بندانگشتی

مزارشریف ښار کې د مولانا جلال الدین محمد بلخي په نوم د کورنیو تولیداتو او لاسي صنایعو درې ورځنی نندارتون جوړ شوی و.

ددغه نندارتون د جوړولو موخه د کورنیو تولیداتو وده او بازار موندنه بلل شوې ده.

په ۱۳۰ غرفو کې کورني تولیدات نندارې ته اېښودل شوي چې تر ۸۰ ډېرې غرفې ښځو ته ځانګړې شوې دي.

د بلخ د سوداګرۍ او پانګونې خونې رییس، اسدالله اسدي و ویل: «موږ د نارینه و او ښځو په سالون کې شاوخوا ۱۳۰ غرفې لرو چې څه باندې ۸۰ یې ښځو ته ځانګړې شوې دي او ۵۰ نورې یې د سړیو دي.»
د بلخ د والي مرستیال، نورالهادي ابو ادریس هم و ویل: «موږ تل سوداګرو ته ویلي چې راشي او په افغانستان کې پانګونه وکړي. په افغانستان کې شرکتونه او کارخونې هم جوړې کړي او د نړۍ په هر ګوټ کې چې وي راشي ځکه افغانستان اوس امن دی.»

افغانستان کې د کار نړیوال سازمان مسوول وايي دوی د افغانستان د خلکو په ځانګړې توګه صنعت کارانو ترڅنګ ولاړ دي او په راتلونکې کې هم د میرمنو ملاتړ لپاره پروګرامونه لري.

افغانستان کې د کار نړیوال سازمان مسوول، رامین بهزاد و ویل: «د کار نړۍوال سازمان په تېرو درېیو کلونو کې د افغانستان په شمال کې څه باندې ۲۸ زره کسانو ته خدمتونه وړاندې کړې دي او په مستقیم ډول یې د څه باندې سلو کوچنیو او منځنیو کارونو او کسبونو مالي ملاتړ کړی چې په شمال کې ۱۰۰۰ کارونو د رامنځته کېدو لامل شوی دی.»

ددغه نندارتون ګډون وال د دا ډول نندارتونونو جوړول له کورنیو تولیداتو سره د خلکو اشنا کېدل او د میرمنو اقتصادي فعالیتونو پیاوړتیا برخه کې ګټور بولي.

غرفه لرونکی، عبدالصمد سروري وايي: «موږ ډیر خوښ یو چې دا ډول پروګرامونه جوړیږي ځکه زموږ لپاره ډیر ګټور دي او کولای شي پر کورنیو شرکتونو او کمپنیو د خلکو باور زیات کړي.»

یوې بلې غرفه لرونکې، پروانې حبیبي هم د طلوع نیوز خبریال ته و ویل: «د دا ډول نندارتونونو جوړول زموږ لپاره ډير ګټور تمامیږي او موږ غواړو چې دا ډول نندارتونونه بیا بیا جوړ شي ځکه زموږ د بازارموندنې او پېر او پلور لپاره ګټه کوي.»

د صنعت او سوداګرۍ وزارت د نندارتونونو جوړولو مسوول وايي په پام کې ده چې روان لمریز کال ۵۰ کورني او بهرني نندارتونونه جوړ شي.

د صنعت او سوداګرۍ وزارت د نندارتونونو جوړولو مسوول، خادم محمد عابد و ویل: «د اسلامي امارت د صنعت او سوداګرۍ وزارت د نندارتونونو ریاست په ۱۴۰۳ کال کې د ۵۰ نندارتونو جوړول په پام کې لري چې د بلخ دا نندارتون یې یوه بېلګه ده. نور نندارتونونه به هم جوړ شي چې له ۵۰ نندارتونونو ۹ یې له هېواده بهر، په تاجېکستان، ازبېکستان، ترکمنستان، روسیې او ترکیه کې ترسره کېدونکي دي.»

د معلوماتو پربنسټ وروستیو میاشتو کې په بېلابېلو ولایتونو کې د نندارتونونو جوړولو لړۍ چټکه شوې او صنعت کاران یې د کورنیو تولیداتو ودې لپاره ګټور بولي.

شریک یي کړئ

په دې اړه مو اندونه