د پلازمېنې او بلخ ولایت ځينو اوسېدونکي او دیني عالمانو د حماس د سیاسي دفتر رییس اسماعیل هنیه د ترور په غبرګون کې په لاریون لاس پورې کړی دی.
ګډونوالو، د اسماعیل هنیه ترور غندی او د هغه وژنه یې د اسلامي هېوادونو لپاره یوه ستره ضایعه ګڼلې ده.
دیني عالم فضلالله نوري په دې هکله وايي:«د حماس د سیاسي دفتر د رییس اسماعیل هنیه ترور ډېر ناځوانمرانه و او د هر مسلمان زړه په خوږوي.»
بل دیني عالم محمد ذکر هم وویل:«الله تعالی دې یهود او نصارا به هلاک کړي او د فلسطین مجاهدینو ته به فتحه او بری په برخه کړې.»
ځينې نور ګډونوال زیاتوي چې، د اسلام دښمنان کمزروي شوي، نو ترور ته یې مخه کړې ده. د دوی په باور اسلامي نړۍ باید د اسراییلو د جنایتونو په اړه چوپه خوله پاتې نهشي.
د پوهنتون استاد سید روضتالله ادیب وايي:«نن دښمن ذلیل او کمزوری شوی، له همدې امله یې ترور ته مخه کړې ده.»
بلخوا، د اسلامي امارت رییسالوزرا هم په یوه پیغام کې د اسمایل هنیه ترور د ټولو نړۍوالو قوانینو پرخلاف بللی دی.
له دې سره هممهاله، د بلخ ځينو دیني عالمان، فرهنګي فعالان او ځوانان مزارشریف ښار کې د (قدس شهید) تر نامه لاندې یوه غونډه کې را ټول او د هغه ترور کېدل یې په کلکه وغندل.
د دې غونډې ګډونوال وایي، چې د اسماعیل هنیه وژل کېدو سره سره به، د غزې مظلومو ماشومانو او د عدالت او ازادۍ غوښتنې غږ چوپ نشي.
د مزارشریف کې د غونډې تنظیموونکی سید سکندر حسیني بامداد وايي:«د دا ډول شخصیت د لهمنځه وړلو سره، د فلسطین د ماشومانو د عدالت غوښتنې ارمان به هېڅکله هم هېر نهکړل شي.»
د دې غونډې ګډونوال اسراییل په غزه کې په ښکاره نسل وژنه تورنوي او د هغه هېواد له چارواکو غواړي چې، د غزې په تړانګه کې روانې جګړې ته د پای ټکی کېږدي.
شاعر او لیکوال صالح محمد خلیق په دې هکله طلوعنیوز ته وايي:«د فلسطین او د غزې تړانکې د خلکو غم او درد، د ټولې اسلامي نړۍ غم او درد دی.»
دا په داسې حال کې ده چې، پر غزه تړانګه د اسراییلو له بریدونو وروسته ۳۹ زره او ۵۵۰ فلسطیني وګړي وژل شوي او نږدې ۱۰۰ زره نور ټپیان دي، چې ډېری یې ماشومان او ښځې دي.
په دې اړه مو اندونه