د افغانستان له ۱۹ کلنو کم عمره کرېکټ لوبډلې په لومړي ځل په درې اړخیزو سیالیو کې پاکستان ته د ۱۰۰ منډو په توپیر ماتې ورکړه.
دغه لوبه د افغانستان په کوربتوب د متحده عربي اماراتو په شارجه کې نن سهار ۱۰ بجې پیل شوه.
افغان لوبډلې لومړی توپوهنه وکړه چې د ۸ لوبغاړو په سوځېدو سره یې ۳۰۷ منډې هدف وټاکه.
پاکستاني لوري بیا په دویمه پاڼۍ کې د ۲۰۶ منډو په ترسره کولو سره افغان لوبډلې ته خپله ماتې ومنله.
په پام کې ده چې له ۱۹ کلنو کم عمره افغان لوبډله به خپله راتلونکې لوبه د روانې نومبر میاشتې په ۱۸مه د متحده عربي اماراتو پر وړاندې کوي.