د ریاستالوزرا د سیاسي معاونیت د دفتر رييس ذاکرالله ذاکر وايي چې، د اسلامي امارت له بیا راتګ سره سم عمومي عفوه اعلان شوې او له هېچا د پخوانیو دندو او مسوولیتونو په اړه پوښتنه نهکېږي.
ارګ په یوې خبرپاڼه کې لیکلي چې، ښاغلي ذاکر دغه موضوع د افغانستان د تېر حکومت له ځینو مسوولانو سره د کتنې پر مهال څرګنده کړې او پر هغوی یې د خوندیتوب کارټونه هم وېشلي دي.
ښاغلي ذاکر په دې کتنه کې ویلي چې، افغانستان د ټولو افغانانو ګډ کور دی او هر افغان حق لري چې، دلته په عزت او ډاډمنه فضا کې ژوند وکړي.
د اسلامي امارت د ویاند مرستیال حمدالله فطرت په دې هکله زیاته کړه:«د ریاستالوزرا د سیاسي معاونیت د دفتر عمومي رییس له راستنېدونکو هېوادوالو هرکلی وکړ او وې ویل چې، افغانستان د ټولو افغانانو ګډ کور دی او هر افغان حق لري چې، دلته په عزت او په ډاډمن چاپېریال کې ژوند وکړي.»
د چارو ځینې شنونکي بیا وايي، سرپرست حکومت هم باید هېواد ته د راستانه شویو شخصیتونو له ظرفیتونو استفاده وکړي.
د سیاسي چارو شنونکی سلیم پيګیر په دې هکله طلوعنیوز ته وايي:«هر څوک چې، په هر نوم د کمېسیون له لوري، بېرته هېواد ته راستنېږي، د اسلامي امارت دنده ده، لکه څرنګه چې، د بښنې فرمان یې صادر شوی باید وبښل شي او د هغوی پر وړاندې هېڅ ډول څېړنې او هېڅ ډول تبعیض ونه شي.»
د سرپرست حکومت مسوولانو په نورو هېوادونو کې د تېرو حکومتونو له مېشتو شخصیتونو او چارواکو په وار وار غوښتي چې، خپل هېواد ته راستانه شي او دلته خپل عادي ژوند ته دوام ورکړي.
په دې اړه مو اندونه