Skip to main content
وروستي خبرونه
Thumbnail

ایت الله اصف محسني د خاتم النبین علمیه حوزې کې خاورو ته وسپارل شو

 

اصف محسني چې په هېواد کې د دین له نفوذ لرونکو عالمانو څخه شمېرل کېده تېره ورځ د ناروغۍ له امله کابل کې ومړ.

د محسني خاورو ته د سپارولو مراسمو کې سیاسي مشرانو او بهرنیو ډيپلوماټانو هم ګډون کړی وو.

هغه ایت الله اصف محسني په کندهار کې زېږېدلی و او له لومړنیو زده کړو وروسته پاکستان ته ولاړ او د کوټې په ښار کې په زده کړو بوخت شو.

وروسته یې د فقهې، رجال او حدیث او اصولو زده کړو ته مخه کړه او په رسمي توګه یې د شیعه علماوو په منځ کې د ایت‎الله لقب ترلاسه کړ.

د «افغانستان اسلامي حرکت» بنسټ اېښودونکی ایت الله محسني د پخواني شوروي ځواکونو په وړاندې هم جنګېدلی دی.

هغه په ۱۳۳۳اکال کې د کندهار سوداګرۍ خونې کې کار پیل کړ، خو د نورو دیني علومو د زده‌کړې لپاره یې دنده پرېښوده. وروسته یې د یوه کال لپاره ایران کې ادبیات او منطق ولوست.

ښاغلي محسني خپل مذهبي زده‌کړې د عراق نجف کې پای ته ورسولې.

د ایت الله اصف محسني لمسی محمد جواد محسني وايي:«هغه ټولګه چې ایت الله محسني یې بنسټ اېښی او جوړه کړې، هېڅکله وراثتي نه وه او نه ده، د خاتم ‎النبین ټولګه وقف ده. او له دې وروسته د دغې ټولګې مشري به د امنا پلاوی وکړي، د امنا پلاوي د خاتم ‎النبین علمي حوزې لپاره خپلې لومړنۍ غوندې ترسره کړې.»

نوموړي د هېواد په تېرو اتلسو کلونو په سیاسي صحنه کې حضور نه درلود، دغه جهادي مشر ته د افغانستان د شیعه عالمانو له‌خوا په رسمي توګه د ایت الله درجه ورکړل شوه.

ولسمشرۍ ته نوماند شیدا محمد ابدالي په دې اړه وویل:«هغه به وویل چې موږ جهاد وکړ، خو جهاد مو ونه ساته، فکر کوم چې دا د ده لپاره ډېره عاقلانه پرېکړه وه چې یو وخت یې له سیاست سره مخه ښه وکړه او علم ته یې مخه وکړه.»

هغه د حرکت اسلامي ګوند چې د شیعه‌ګانو د سیاسي حرکتونو پیل بلل کېږي، موسس دی چې تر ډېره د شوروي پر ضد وجنګېد.

مرحوم محسني د شیعه‌ګانو سربېره د نورو مذهبونو په پیروانو کې هم پراخ پلویان درلودل.

افغانستان کې د ایران سفیر محمد رضا بهرامي په دې اړه څرګنده کړه:«تر ټولو ښه ځانګړنه یې چې زه کولای شم یاد یې کړم، د اسلامي مذهبونو په نږدېوالي او د اخوت او ورورولۍ رامنځته کولو کې د هغه ډاګیزه ونډه وه.»

ایت الله اصف محسني ۸۴ کالو په عمر ومړ او له خپلو درې مېرمنو شپږ زامن او څلور لوڼي لري.

 

ایت الله اصف محسني د خاتم النبین علمیه حوزې کې خاورو ته وسپارل شو

ایت الله اصف محسني خپلې ابتدایه زده‌کړې کندهار کې پیل کړې او رووسته بیا پاکستان ته ولاړ او کوټه کې یې خپلو زده‌کړو ته دوام ورکړ.

Thumbnail

 

اصف محسني چې په هېواد کې د دین له نفوذ لرونکو عالمانو څخه شمېرل کېده تېره ورځ د ناروغۍ له امله کابل کې ومړ.

د محسني خاورو ته د سپارولو مراسمو کې سیاسي مشرانو او بهرنیو ډيپلوماټانو هم ګډون کړی وو.

هغه ایت الله اصف محسني په کندهار کې زېږېدلی و او له لومړنیو زده کړو وروسته پاکستان ته ولاړ او د کوټې په ښار کې په زده کړو بوخت شو.

وروسته یې د فقهې، رجال او حدیث او اصولو زده کړو ته مخه کړه او په رسمي توګه یې د شیعه علماوو په منځ کې د ایت‎الله لقب ترلاسه کړ.

د «افغانستان اسلامي حرکت» بنسټ اېښودونکی ایت الله محسني د پخواني شوروي ځواکونو په وړاندې هم جنګېدلی دی.

هغه په ۱۳۳۳اکال کې د کندهار سوداګرۍ خونې کې کار پیل کړ، خو د نورو دیني علومو د زده‌کړې لپاره یې دنده پرېښوده. وروسته یې د یوه کال لپاره ایران کې ادبیات او منطق ولوست.

ښاغلي محسني خپل مذهبي زده‌کړې د عراق نجف کې پای ته ورسولې.

د ایت الله اصف محسني لمسی محمد جواد محسني وايي:«هغه ټولګه چې ایت الله محسني یې بنسټ اېښی او جوړه کړې، هېڅکله وراثتي نه وه او نه ده، د خاتم ‎النبین ټولګه وقف ده. او له دې وروسته د دغې ټولګې مشري به د امنا پلاوی وکړي، د امنا پلاوي د خاتم ‎النبین علمي حوزې لپاره خپلې لومړنۍ غوندې ترسره کړې.»

نوموړي د هېواد په تېرو اتلسو کلونو په سیاسي صحنه کې حضور نه درلود، دغه جهادي مشر ته د افغانستان د شیعه عالمانو له‌خوا په رسمي توګه د ایت الله درجه ورکړل شوه.

ولسمشرۍ ته نوماند شیدا محمد ابدالي په دې اړه وویل:«هغه به وویل چې موږ جهاد وکړ، خو جهاد مو ونه ساته، فکر کوم چې دا د ده لپاره ډېره عاقلانه پرېکړه وه چې یو وخت یې له سیاست سره مخه ښه وکړه او علم ته یې مخه وکړه.»

هغه د حرکت اسلامي ګوند چې د شیعه‌ګانو د سیاسي حرکتونو پیل بلل کېږي، موسس دی چې تر ډېره د شوروي پر ضد وجنګېد.

مرحوم محسني د شیعه‌ګانو سربېره د نورو مذهبونو په پیروانو کې هم پراخ پلویان درلودل.

افغانستان کې د ایران سفیر محمد رضا بهرامي په دې اړه څرګنده کړه:«تر ټولو ښه ځانګړنه یې چې زه کولای شم یاد یې کړم، د اسلامي مذهبونو په نږدېوالي او د اخوت او ورورولۍ رامنځته کولو کې د هغه ډاګیزه ونډه وه.»

ایت الله اصف محسني ۸۴ کالو په عمر ومړ او له خپلو درې مېرمنو شپږ زامن او څلور لوڼي لري.

 

شریک یي کړئ