د بلخ پولیس وايي په چهاربولک ولسوالۍ کې له افغان ځواکونو سره په نښته کې د بدر په نامه د طالبانو یوه مهم قومندان په ګډون ۲۵ طالب وسلهوال وژل شوي دي.
د بلخ د امنیت آمر، جنرال عبدالرزاق قادري نن(پنجشنبې د مرغومې په ۲۰مه نېټه) وايي له څو ورځو راهیسې په چهاربولک ولسوالۍ کې د افغان ځواکونو او طالب وسلهوالو ترمنځ نښتې روانې دي.
دی زیاتوي چې په دې نښته کې طالبانو ته درنه مرګ ژوبله اوښتې ده.
په همدې حال کې طالبان ادعا کوي چې افغان ځواکونو ته یې مرګ ژوبله اړولې او درې زغره وال ټانکونه یې سوځولي دي.