وروستي خبرونه
Thumbnail
افغانستان

د ټاکنیز کړکېچ د حل لپاره د ارګ او سپيدار د خبرو اترو پیل

بالاخره له اوونیو اوونیو ټاکنیزو جنجالانو څخه وروسته، د دولت جوړونکي او د ثبات او همپالنې ټاکنیزو ډلو پلاوي چې دواړه د ولسمشرۍ ټاکنو د ګټلو ادعا لري، خبرې اترې پیل کړې دي.

د ملي یووالي حکومت اجراییه رییس عبدالله عبدالله او د ولسمشرۍ ټاکنو نوماند چې د ټاکنو کمېسیون له خوا اعلان شوې پایله نه مني، له طلوع نیوز سره په ځانګړې مرکه کې وايي چې د هغه او د اشرف غني د ټاکنیزو ډلو پلاوي، د لومړي ځل لپاره تېره ورځ (پنجشنبې د کب په ۱۵مه) سره ناست دي.

ښاغلی عبدالله زیاتوي چې په دغې ناسته کې، د هغه څه په اړه چې هغه یې له ټاکنیز کړکېچ څخه وتل ګڼي بحث او خبرې کړې دي. خو هغه د دغې غونډې د پایلې په اړه څه ونه ویل:«نن (پنجشنبه) د ولسمشرۍ ماڼۍ او اجراییه ریاست د دوه پلاو ترمنځ یوه غوڼډه د ټاکنیز کړکېچ د حل په اړه ترسره شوه او دغه غونډې به دوام پیدا کړي.»

اجراییه رییس همدارنګه وايي چې د پخواني ولسمشر حامد کرزي او پخواني جهادي مشر عبدرب الرسول سیاف په ګډون ځينې سیاسي څېرې هڅه کوي چې د ټاکنیز کړکېچ د حل لپاره لار پیدا کړي.

ټاکنیز جنجالونه له هغو وروسته ډېر شول چې د ټاکنو خپلواک کمېسیون، له څلورو میاشتو وروسته، د مرغومې میاشتې په لوړۍ نېټې د ولسمشرۍ ټاکنو وروستۍ پایلې اعلان کړې چې په هغه کې اشرف غني یو ځل بیا منتخب ولسمشر اعلان شو.

خو عبدالله دغه پایله ونه منله او وايي چې د «ټول ګډونه حکومت» په نوم خپل حکومت به رامنځته کړي - تراوسه د هېواد شمالي ولایتونو کې ځينې والیان هم د ثبات او همپالنې ډلې له خوا معرفي شوي دي.

تېره ورځ، ولسمشرۍ ماڼۍ او اجراییه ریاست دواړو وویل چې د افغانستان د ولسمشر په توګه، د ولسمشر اشرف غني او عبدالله عبدالله لپاره په جلا توګه د لوړې مراسمو د ترسراوي لپاره چمتووالی نیسي - ټاکل شوې ده چې دغه مراسم د شنبې په ورځ د کب په ۱۹مه ترسره شي.

خو عبدالله عبدالله وايي چې تمه لري ټاکنیز کړکېچ حل شي او هغه هره هغه نسخه چې د ډولو لپاره د منلو وړ وي مني او دا کار به د لوړې له دوه مراسمو غوره وي.

د طلوع نیوز په ځانګړې مرکه چې تېره شپه په ژوندۍ بڼه خپره شوه، له ښاغلي عبدالله څخه د سولې بهیر په اړه هم پوښتنه وشوه.

هغه څرګنده کړه که چېرې طالبان فکر کوي چې له افغانستانه د امریکایانو له وتلو سره، د دغه هېواد واک ترلاسه کوي، دا ډول به ونه شي او دا ډول فکر کول تېروتنه ده.

عبدالله عبدالله سولې ته د رسېدو په برخه کې د روانو هڅو او په ځانګړې توګه د سولې د ټینګښت په صورت کې د ۵ زره طالب بندیانو له خوشې کېدو هم ملاتړ کوي:«د سولې کڅوړې (پکېچ) ته په کتو سره، که چېرې د لورو په زرګونه تنه بندیان په بند کې پاتې شي، سوله نه ټينګېږي. اوس په سلګونه طالبان په بندخونې کې دي چې د توقیف موده یې بشپړه شوې. د بندیانو د ازاېدو په اړه باید کار وشي؛ د سولې په کڅوړه کې د پنځه زره بندیانو ازادېدل، د سولې په او د رامنځته شوې هوکړې په چوکاټ او دا چې ضمانت واخیستل شي چې دغه بندیان بیا د جګړې دګر ته نه ځي، باید هغوی ازادېدل د سولې کڅوړه وي.»

د امریکا او طالبانو د سولې د هوکړه لیک پربنسټ چې د شنبې په ورځ (د کب په ۱۰مه) دوحه کې لاسلیک شو، باید د طالبانو پنځه زره بندیان او همدارنګه د حکومت زر بندیان له بنده ازاد کړل شي او وروسته د افغانانو ترمنځ خبرې اترې پیل شي. او همدارنګه ټاکل شوې چې امریکايي ځواکونه به د ۱۴ میاشتو په اوږدو کې افغانستان پرېږدي.

خو ولسمشر اشرف غني د بندیانو له ازادېدو سره مخالف دی. هغه وايي چې په دې لړ کې هېڅ ژمنه نشته؛ خو شونې ده چې دغه موضوع د افغانانو ترمنځ په خپل مځني خبرو کې مطرحه شي.

اوس د افغانانو تر منځ د خبرو پیل ته یوازې څلور ورځې پاتې دي؛ خو د ملي یووالي حکومت اجراییه رییس وايي چې تر اوسه له طالبانو سره د خبرو لپاره مرکچي پلاوی نه دی جوړی شوی.

له طالبانو سره د امریکا په هوکړه کې د دوه پټو ضمیمو په اړه وویل چې په دغو دوه ضمیمو کې داسې څه نه دي ځای پر ځای شوي چې د افغانستان ملي ګټې له زیان سره مخ کړي:څ«یوه ضمیمه له افغانستانه د بهرنیو ځواکونو د وتلو د څرنګوالي او دویمه ضمیمه کې له ترهګرو ډلو د بېلګې په توګه له القاعدې سره د طالبانو د اړیکو د پرېکون په اړه بحث شوی.»

نوموړی همدارنګه وايي چې د افغانانو تر منځ د خبرو پیلېدل باید له شرط پرته وي. هغه د حکومت له لوري د شپږ کسیز پلاوي په اړه چې دوحې ته تللی وايي په دې اړه له هغه سره هېڅ مشوره نه ده شوې.

افغانستان

د ټاکنیز کړکېچ د حل لپاره د ارګ او سپيدار د خبرو اترو پیل

تېره ورځ، ولسمشرۍ ماڼۍ او اجراییه ریاست دواړو وویل چې د افغانستان د ولسمشر په توګه، د ولسمشر اشرف غني او عبدالله عبدالله لپاره په جلا توګه د لوړې مراسمو د ترسراوي لپاره چمتووالی نیسي.

Thumbnail

بالاخره له اوونیو اوونیو ټاکنیزو جنجالانو څخه وروسته، د دولت جوړونکي او د ثبات او همپالنې ټاکنیزو ډلو پلاوي چې دواړه د ولسمشرۍ ټاکنو د ګټلو ادعا لري، خبرې اترې پیل کړې دي.

د ملي یووالي حکومت اجراییه رییس عبدالله عبدالله او د ولسمشرۍ ټاکنو نوماند چې د ټاکنو کمېسیون له خوا اعلان شوې پایله نه مني، له طلوع نیوز سره په ځانګړې مرکه کې وايي چې د هغه او د اشرف غني د ټاکنیزو ډلو پلاوي، د لومړي ځل لپاره تېره ورځ (پنجشنبې د کب په ۱۵مه) سره ناست دي.

ښاغلی عبدالله زیاتوي چې په دغې ناسته کې، د هغه څه په اړه چې هغه یې له ټاکنیز کړکېچ څخه وتل ګڼي بحث او خبرې کړې دي. خو هغه د دغې غونډې د پایلې په اړه څه ونه ویل:«نن (پنجشنبه) د ولسمشرۍ ماڼۍ او اجراییه ریاست د دوه پلاو ترمنځ یوه غوڼډه د ټاکنیز کړکېچ د حل په اړه ترسره شوه او دغه غونډې به دوام پیدا کړي.»

اجراییه رییس همدارنګه وايي چې د پخواني ولسمشر حامد کرزي او پخواني جهادي مشر عبدرب الرسول سیاف په ګډون ځينې سیاسي څېرې هڅه کوي چې د ټاکنیز کړکېچ د حل لپاره لار پیدا کړي.

ټاکنیز جنجالونه له هغو وروسته ډېر شول چې د ټاکنو خپلواک کمېسیون، له څلورو میاشتو وروسته، د مرغومې میاشتې په لوړۍ نېټې د ولسمشرۍ ټاکنو وروستۍ پایلې اعلان کړې چې په هغه کې اشرف غني یو ځل بیا منتخب ولسمشر اعلان شو.

خو عبدالله دغه پایله ونه منله او وايي چې د «ټول ګډونه حکومت» په نوم خپل حکومت به رامنځته کړي - تراوسه د هېواد شمالي ولایتونو کې ځينې والیان هم د ثبات او همپالنې ډلې له خوا معرفي شوي دي.

تېره ورځ، ولسمشرۍ ماڼۍ او اجراییه ریاست دواړو وویل چې د افغانستان د ولسمشر په توګه، د ولسمشر اشرف غني او عبدالله عبدالله لپاره په جلا توګه د لوړې مراسمو د ترسراوي لپاره چمتووالی نیسي - ټاکل شوې ده چې دغه مراسم د شنبې په ورځ د کب په ۱۹مه ترسره شي.

خو عبدالله عبدالله وايي چې تمه لري ټاکنیز کړکېچ حل شي او هغه هره هغه نسخه چې د ډولو لپاره د منلو وړ وي مني او دا کار به د لوړې له دوه مراسمو غوره وي.

د طلوع نیوز په ځانګړې مرکه چې تېره شپه په ژوندۍ بڼه خپره شوه، له ښاغلي عبدالله څخه د سولې بهیر په اړه هم پوښتنه وشوه.

هغه څرګنده کړه که چېرې طالبان فکر کوي چې له افغانستانه د امریکایانو له وتلو سره، د دغه هېواد واک ترلاسه کوي، دا ډول به ونه شي او دا ډول فکر کول تېروتنه ده.

عبدالله عبدالله سولې ته د رسېدو په برخه کې د روانو هڅو او په ځانګړې توګه د سولې د ټینګښت په صورت کې د ۵ زره طالب بندیانو له خوشې کېدو هم ملاتړ کوي:«د سولې کڅوړې (پکېچ) ته په کتو سره، که چېرې د لورو په زرګونه تنه بندیان په بند کې پاتې شي، سوله نه ټينګېږي. اوس په سلګونه طالبان په بندخونې کې دي چې د توقیف موده یې بشپړه شوې. د بندیانو د ازاېدو په اړه باید کار وشي؛ د سولې په کڅوړه کې د پنځه زره بندیانو ازادېدل، د سولې په او د رامنځته شوې هوکړې په چوکاټ او دا چې ضمانت واخیستل شي چې دغه بندیان بیا د جګړې دګر ته نه ځي، باید هغوی ازادېدل د سولې کڅوړه وي.»

د امریکا او طالبانو د سولې د هوکړه لیک پربنسټ چې د شنبې په ورځ (د کب په ۱۰مه) دوحه کې لاسلیک شو، باید د طالبانو پنځه زره بندیان او همدارنګه د حکومت زر بندیان له بنده ازاد کړل شي او وروسته د افغانانو ترمنځ خبرې اترې پیل شي. او همدارنګه ټاکل شوې چې امریکايي ځواکونه به د ۱۴ میاشتو په اوږدو کې افغانستان پرېږدي.

خو ولسمشر اشرف غني د بندیانو له ازادېدو سره مخالف دی. هغه وايي چې په دې لړ کې هېڅ ژمنه نشته؛ خو شونې ده چې دغه موضوع د افغانانو ترمنځ په خپل مځني خبرو کې مطرحه شي.

اوس د افغانانو تر منځ د خبرو پیل ته یوازې څلور ورځې پاتې دي؛ خو د ملي یووالي حکومت اجراییه رییس وايي چې تر اوسه له طالبانو سره د خبرو لپاره مرکچي پلاوی نه دی جوړی شوی.

له طالبانو سره د امریکا په هوکړه کې د دوه پټو ضمیمو په اړه وویل چې په دغو دوه ضمیمو کې داسې څه نه دي ځای پر ځای شوي چې د افغانستان ملي ګټې له زیان سره مخ کړي:څ«یوه ضمیمه له افغانستانه د بهرنیو ځواکونو د وتلو د څرنګوالي او دویمه ضمیمه کې له ترهګرو ډلو د بېلګې په توګه له القاعدې سره د طالبانو د اړیکو د پرېکون په اړه بحث شوی.»

نوموړی همدارنګه وايي چې د افغانانو تر منځ د خبرو پیلېدل باید له شرط پرته وي. هغه د حکومت له لوري د شپږ کسیز پلاوي په اړه چې دوحې ته تللی وايي په دې اړه له هغه سره هېڅ مشوره نه ده شوې.

شریک یي کړئ