نیوزویک چهارشنبې(د سلواغې په ۱۶مه نېټه) راپور ورکړی چې یو امریکايي قراردادي تېره اوونۍ د طالبانو ډلې پورې تړلو وسله والو لخوا، خوست ولایت کې تښتول شوی دی.
د دغې رسنۍ د راپور له مخې امریکايي وګړی، مارک فرریشز تېره اوونۍ د جمعې په ورځ له پاکستان سره پر پوله قبایلي سیمه کې تښتول شوی دی.
فرریشز ۵۷ کاله عمر لري چې د امریکا د سمندري ځواکونو پخوانی غړی دی او اوس د یوه قرارداري شرکت د مدیر په توګه کار کاوو.
تر اوسه د دغه تښتونې مسوولت چا نه دی منلی.
ځینو امریکايي چارواکو حقاني نیوزویک ته ویلي چې دغه امریکايي وګړی د حقاني ډلې لخوا تښتول شوی دی.