د ولسمشر ویاند صدیق صدیقي وايي چې په غزني ولایت کې د طالب ډلې لخوا د ځای پرځای شوي ماین چاودنې په پایله کې ۱۰ تنه مُلکیان وژل شوي او شپږ نور ټپيان دي.
د صدیقي په وینا، دغه ماین پر یوه مسافر وړونکي موټر چاودلی دی.
څلور ښځې او یو ماشوم د وژل شویو کسانو په ډله کې شامل دي.
دغه پېښه نن سهار(جمعه د لیندۍ په ۲۲مه) هغه مهال رامتنځته شوه چې ځينې مسافر له داینکندي ولایته د غزني په لور روان وو او د هغوی د لېږد موټر د دغه ولایت په جغتو ولسوالۍ کې پر ماین برابر شو.
ولسمشرۍ ماڼۍ هم دغه پېښه غندلې ده.
طالب ډلې تراوسه په دې اړه څه نه دي ویلي.