ولسمشرۍ ماڼۍ د شنبې په ورځ (د لړم په ۴مه) په یوې خبرپاڼې په خپرولو سره ویلي چې افغان ولسمشر اشرف غني د بې پرې غورځنګ اتلسمې غونډې په څنډه کې په بېلابېلو لیدنو کې د پاکستان له ولسمشر اصف علوي، د هند ولسمشر له مرستیال موپاواراپو وینکیا نایدو، د سولې او دوه اړخیزو همکاریو په اړه خبرې کړې دي.
په دغو ناستو کې ښاغلي غني د پاکستان له ولسمشر علوي سره د ترهګرۍ پر ضد هڅو، سولې او امنیت په اړه خبرې کړې دي همدارنګه ښاغلي غني ویلي افغانان غواړي چې پاکستان په افغان سولې په بهیر کې دخیل وي.
په خبرپاڼه کې راغلي دي چې غني په یوې بله لیدنه کې د هند ولسمشر له استازي سره د دوه اړخیزو همکاریو د پراختیا او د اقتصادي همکاریو په اړه خبرې کړې دي او دواړه لورو د افغانستان او هند پر اړیکو ټینګار کړی دی.