میدان وردګو کې په یوه موټر کې د ځای پر ځای شویو چاودېدونکو توکو چاودنې له کبله د پوځ ۸ سرتېرو ژوند له لاسه ورکړ.
دفاع وزارت د خبرپاڼې په خپرولو سره وايي پېښه دوشنبې(د چنګاښ په ۳۰مه نېټه) په سیداباد ولسوالۍ کې په داسې حال کې شوې ده چې ځانمرګي بریدګر د افغان ځواکونو موتریز کاروان په نښه کړ.
طالبانو د اعلامیې په خپرولو سره د دغه برید مسوولیت منلی او ویلي یې دي چې دا برید پر ملکیانو د هوايي بریدونو په غبرګون کې شوی دی.
طالبان په داسې حال کې پر افغان ځواکونو بریدونو کوي چې بلې خوا د سولې لپاره هڅې روانې دي.