د هلمند ولایت سیمه ییز چارواکي د سرک غاړې ماین چاودنه کې د شپږو ملکي کسانو له وژل کېدو خبر ورکوي.
د امنیه قومندانۍ ویاند، محمدزمان همدرد وايي تېره ورځ (یکشنبې د چنګاښ په ۸مه نېټه) وروسته له غرمې په واشېر ولسوالۍ کې شوې او په وژل شویو کې ښځې او ماشومان هم شامل دي.
د چارواکو په وینا پېښه کې دوه ملکي کسان ټپیان شوي او روغتون کې تر درملنې لاندې دي.
تر اوس پورې د طالبانو په ګډون کومې ډلې د پېښې په تړاو څه نه دي ویلي.