د پاکستان د کورنیو چارو وزیر نثار علي خان،د چهارشنبې په ورځ خبریالانو ته وویل چې په دغه هېواد کې سوله په افغانستان کې سولې پورې تړلې ده.
د جیو نیوز د رپوټ پر بنسټ،د پاکستان دغه وزیر خبریالانو ته ویلي چې پاکستان د ډیورن کرښې دواړو خواو ته سوله غواړي.
هغه څرګنده کړه چې افغانستان حتا پاکستان یې د جنايي فعالیتونو په ترسره کولو تورن کړی چې دغه تورونه بې بنسټه دي.
هغه زیاته کړه:«دغه قومونه تل د پولې دواړه خواوو ته تل چمتو دي چې د خپل هېواد څخه دفاع وکړي.»
د هغه په وینا،د نړۍ په ګوټ ګوټ کې ترهګریز بریدونه د زیاتېدو په حال کې دي،خو په پاکستان کې د کمېدو په حال کې دي.
هغه څرګنده کړه:«په دې سیمه کې هېڅ ډول ترهګریزه شبکه حضور نهلري.»