د هلمند ولایت امنیتي چارواکي وايي چې د دغه ولایت په مرکز لشکرګاه ښار کې د یوه ځانمرګي برید په ترڅ کې امنیتي ځواکونه او هغه طالبان چې د سولې له بهیر سره یوځای شوي وو،ووژل شول.
د هلمند د والي ویاند عمر ځواک وايي چې دغه برید د لښکرګاه ښار د دویمې حوزې په سیمه کې رامنځته شوې چې ځانمرګی بریدګر پلی وه،او خپل چاودېدونکي توکي یې د ملي امنیت د دفتر په وړاندې وچاودول.
هغه زیاتوي چې په دغه برید کې ۶ تنه نور هم ټپیان شوي دي.
له بلخوا د طلوع نیوز خبریال عبدالله همیم له سیمې څخه رپوټ ورکوي چې د پېښې په سیمه کې ۵ تنه مړي لیدل شوي او امنیتي ځواکونه د یو موټر بم په شنډولو بوخت دي.
د طالبانو په ګډون هېڅ ډلې تراوسه د دغه برید پړه نه ده منلې.