وروستي خبرونه
Thumbnail

کندهار کې د پاکستان له خوا توغندويي بریدونو کې ۱۵ تنه وژل شوي

ملي دفاع وزارت په یوې خبرپاڼه کې وايي چې د کندهار سپين بولدک کې پر استوکنیزې سیمې د پاکستاني پوځیانو په توغندويي بریدونو کې ۹ تنه ولسي وګړي وژل شوي او ۵۰ تنه نور ټپيان شوي دي.

په خبرپاڼه کې همدارنګه راغلي دي چې د هېواد د وسله وال پوځ لوی درستیز محمد یاسین ضیا، د هېواد ټولو ځواکونو په ځانګړې توګه د ۲۰۵ اتل، ۲۰۱ سېلاب او ۲۰۳ تندر قول اردوګانو ته لارښونه وکړه چې د پاکستاني پوځيانو بالمثله کړنې ځواب ته بشپړ چمتووالی ونیسي او په ډیورنډ کرښه له سپکو او درنو وسلو سره سمبال کړي.

خبرپاڼه کې همدارنګه ویل شوي چې د ښاغلي ضیا په لارښونه، هوايي ځواکونه او ځانګړي ځواکونه په لومړۍ درجه بیړني حالت کې دي او د افغانستان په خاوره پاکستاني پوځيانو د توغندويي بریدونو د دوام په صورت کې، د افغان پوځیانو له بالمثله کړنې سره به مخ شي.

خو د کندهار د والي ویاند بهیر احمدي وايي چې په دغو پېښو کې ۱۵ تنه ولسي وګړي وژل شوي او ۸۰ تنه نور پټيان شوي دي.

د هغه په وینا، دا پېښه د کندهار ولایت سپين بولدک ولسوالۍ په چمن دروازه کې شوې ده.

هغه زیاتوي چې دغه نښته د یوې مودې لپاره دوام وکړ ځکه چې افغان ځواکونو هم د پاکستاني پوځ په ځواب لاس پورې کړ.

د دغې پېښې په لسګونه تنه د دغه ولایت په روغتون کې تر ترملنې لاندې دي.

ډاکټران وايي چې په ټپيان کې ماشومان هم شامل دي چې د ځينو روغتیايي حالت یې د اندېښنې وړ دی.

ورته مهال د پېښې ځينې شاهدان وايي چې په دغې پېښه کې د یوې کورنۍ اوه تنه غړي وژل شوي او د دغې کورنۍ یو ماشوم په بد وضعیت کې روغتون کې بستر دی.

د پېښې یو شاهد وايي:«برید داسې و کله چې نښته پيل شوه، د هغوی لومړنی برید پر عامو خلکو و. هلته څه باندې سل او حتا زر تنه سره راټول شوي وو.»

د کندهار یو بل اوسېدونکی هم زیاتوي:«موږ دلته راغلي یوو چې وینه وکړو او له موږ سره نور ځوانان هم راغلي دي.»

کندهار کې د پاکستان له خوا توغندويي بریدونو کې ۱۵ تنه وژل شوي

خو د کندهار د والي ویاند بهیر احمدي وايي چې په دغو پېښو کې ۱۵ تنه ولسي وګړي وژل شوي او ۸۰ تنه نور پټيان شوي دي.

Thumbnail

ملي دفاع وزارت په یوې خبرپاڼه کې وايي چې د کندهار سپين بولدک کې پر استوکنیزې سیمې د پاکستاني پوځیانو په توغندويي بریدونو کې ۹ تنه ولسي وګړي وژل شوي او ۵۰ تنه نور ټپيان شوي دي.

په خبرپاڼه کې همدارنګه راغلي دي چې د هېواد د وسله وال پوځ لوی درستیز محمد یاسین ضیا، د هېواد ټولو ځواکونو په ځانګړې توګه د ۲۰۵ اتل، ۲۰۱ سېلاب او ۲۰۳ تندر قول اردوګانو ته لارښونه وکړه چې د پاکستاني پوځيانو بالمثله کړنې ځواب ته بشپړ چمتووالی ونیسي او په ډیورنډ کرښه له سپکو او درنو وسلو سره سمبال کړي.

خبرپاڼه کې همدارنګه ویل شوي چې د ښاغلي ضیا په لارښونه، هوايي ځواکونه او ځانګړي ځواکونه په لومړۍ درجه بیړني حالت کې دي او د افغانستان په خاوره پاکستاني پوځيانو د توغندويي بریدونو د دوام په صورت کې، د افغان پوځیانو له بالمثله کړنې سره به مخ شي.

خو د کندهار د والي ویاند بهیر احمدي وايي چې په دغو پېښو کې ۱۵ تنه ولسي وګړي وژل شوي او ۸۰ تنه نور پټيان شوي دي.

د هغه په وینا، دا پېښه د کندهار ولایت سپين بولدک ولسوالۍ په چمن دروازه کې شوې ده.

هغه زیاتوي چې دغه نښته د یوې مودې لپاره دوام وکړ ځکه چې افغان ځواکونو هم د پاکستاني پوځ په ځواب لاس پورې کړ.

د دغې پېښې په لسګونه تنه د دغه ولایت په روغتون کې تر ترملنې لاندې دي.

ډاکټران وايي چې په ټپيان کې ماشومان هم شامل دي چې د ځينو روغتیايي حالت یې د اندېښنې وړ دی.

ورته مهال د پېښې ځينې شاهدان وايي چې په دغې پېښه کې د یوې کورنۍ اوه تنه غړي وژل شوي او د دغې کورنۍ یو ماشوم په بد وضعیت کې روغتون کې بستر دی.

د پېښې یو شاهد وايي:«برید داسې و کله چې نښته پيل شوه، د هغوی لومړنی برید پر عامو خلکو و. هلته څه باندې سل او حتا زر تنه سره راټول شوي وو.»

د کندهار یو بل اوسېدونکی هم زیاتوي:«موږ دلته راغلي یوو چې وینه وکړو او له موږ سره نور ځوانان هم راغلي دي.»

شریک یي کړئ