په هلمند کې ډېری کروندګر خپلې کروندې له لمریزې انرژۍ څخه په ګټنې خړوبوي او د غنمو د اوړو کولو لپاره یې د لمریزې برېښنا وړې ژرندې هم جوړې کړې دي.
یو شمېر کروندګرو وايي، د اوبو د کمښت او د تېلو د لوړې بيې له امله يې لمریزې انرژۍ ته مخه کړې ده.
کروندګر راز محمد وايي: «سولر ډېر ګټور دي. تېل په ۳۱۰ کلدارې دي. په دې بیه که له سهار تر ماښامه هم ماشین ولګوي، نه بس کېږي.»
یو بل کروندګر عبداکبیر وايي: «سږ کال زموږ د غنمو حالات ډېر کم و. دا نو مو کرلي؛ نو خدای ته مالومه ده چې څه به کېږي.»
د ژرندې یو مسوول وايي، سږکال د وچکالۍ او د کوکنارو د کرکېلې د ډېرېدو له امله په دې ولایت کې د غنمو د تولید کچه راټيټه شوې او ډېر کم خلک غنم د اوړه کولو لپاره وروړي.
د ژرندې مسوول نور احمد وايي: «دغه سولري ژرنده مو فعاله کړې، غواړو خپله روزي هم ترې لاسته راوړو او هېوادوالو ته هم خدمت وکړو.»
د ژرندې کارکوونکی حاجي محمد وايي: «دلیل یې دا دی چې بیې یې ډېرې ښې دي. ماشیني ژرندې په لوړه بیه تمامېږي، خو دا په لږ بیه تمامېږي.»
نړۍ ته د اوکراین او روسیې د غنمو په صادراتو کې د کمښت له امله په ټوله نړۍ کې د غنمو بیه لوړه شوې ده.
په دې اړه مو اندونه