د هېواد نامتو شاعر او لیکوال سلیمان لایق د ۹۰ کلنۍ په عمر ومړ.
د سلیمان لایق خپلوان وايي چې هغه د هغو ټپونو له امله چې تېر کال په یوه ځانمرګي برید کې ټپي شوی و ، نن له غرمې وروسته ومړ.
سلیمان لایق د افغانستان د ډموکراټيک خلق ګوند له بنسټ اېښودونکو څخه و، خو په وروستیو کلونو کې سیاسي فعالیت نه درلود.
هغه د افغانستان د قومونو او قبایلو د وزیر، او د افغانستان د علومو ریاست کې د کار تجربه په خپل کارنامه کې لري.
هغه د سیاست او شعر په برخه کې څو کتابونه لیکلي دي.