د کرنیزو محصولاتو اته ویشتم نندارتون نن (چهارشنبې د کب په ۲۴مه) د کابل په بادام باغ کې پرانیستل شو.
د کرنې او اوبو لګونې او مالدارۍ وزارت سرپرست د دغه نندارتون په پرانیسته کې له هېوادوالو وغوښتل چې له کورنیو محصولاتو ډېره استفاده وکړي.
د دغه وزارت چارواکو ډاډ ورکړ چې په هېواد کې به له کرنې ملاتړ وکړي.
د کرنې، اوبو لګونې او مالدارۍ وزارت سرپرست عطاءالله عمري وايي:«هغه نندارتونونه چې په کال کې جوړېږي. د هڅونې او دودولو لپاره، زموږ د بزګرو د لاسته راوړنو نندارې ته د اېښودو په خاطر دی. زموږ هېواد له هر ډول کرنیزو محصولاتو برخمن دی.»
بل خوا، د کرنې وزارت مرستیال وایي، چې د کرنې، اوبولګونې او مالدراۍ وزارت هڅه کوي چې په هېواد کې کروندګرو ته لازمې اسانتیاوې برابرې کړي.
د کرنې، اوبولګونې او مالدراۍ وزارت مرستیال صدراعظم وویل:«د کرنې په چوکاټ کې د بزګرو ستونزو ته رسېدنه کوو او ستونزې یې حل وو.»
اخوا د دغه نندارتون یو شمېر ګډونوال دغه راز نندارتونونه خپلو محصولاتو ته د بازار موندنې لپاره ګټور ګڼي.
ګډونواله غنچه ګل کریمي وايي:«که چېرې موږ وکړای شو چې بهرنی بازار پیدا کړو، زموږ د تولیداتو کچه لوړېږي.»
ګډونوال عبدالحی هم څرګندوي:«د دغه نندارتون جوړېدل پر تولیدي او زراعتي شرکتونو خپله مثبته اغېزه کوي.»
د هېواد د ۳۴ ولایتونو کرنیز محصولات په ۲۶۳ غرفو کې نندارې ته اېښي دي او له دې ډلې ۵۶ غرفې ښځو ته ځانګړې کړل شوې دي. او نندارتون به څلور ورځې دوام ولري.
په دې اړه مو اندونه