Skip to main content
وروستي خبرونه
تصویر بندانگشتی

بلخ کې کارخونه لرونکي: د اوړو د وادولو مخه دې ونیول شي

بلخ کې د اوړو تولیدي کارخونو یو شمېر مسوولین د خپلو فعالیتونو بندښت ته په اندېښنې سره وايي، له ګاونډیو هېوادونو دې د اوړو واردولو مخه ونیول شي.

دوی د یوې خبري ناستې پرمهال له سرپرست حکومته غواړي چې، په هېواد کې له تولیدي کارخونو ملاتړ وکړي.

د دوی په خبره، دمګړۍ په هېواد کې د اوړو له ۲۰۰ کارخونو یوازې لس کارخونې یې فعاله دي.

دغه کارخونه لرونکي زیاتوي، د تړل شویو کارخونو په بیا فعالېدو سره به نږدې پنځوس زره کسانو ته کاري زمینې برابرې شي.

شمال حوزه کې د اوړو فابریکه لرونکو ټولنې رییس، بسم الله همدرد وویل: « له دولته مو هیله همدا ده چې د اوړو د محصول فیصدي دومره پورته کړي چې نورې کارخونې هم جوړې شي او موږ سل سلنه ځان بساینې ته ورسېږو.»

بلخ کې د اوړو یوې تولیدي کارخونې مسوول، احمد شاه ستانکزي هم وویل: « تر راتلونکو پنځو کلونو موږ په بشپړه توګه ځان بساینې ته رسېږو او اړتیا نه لرو چې اوړه وارد کړو.»

یو شمېر نور کارخونه لرونکي له ګاونډیو هېوادونو د اوړو د وارداتو مخنیوي غوښتونکي دي.

د بلخ د صنایعو او کانونو خونې رییس، مبشر سادات په دې اړه وویل: « که دولت راسره مرسته وکړي موږ کولای شو تر ۲۰۰ ډېرې کارخونې ولرو او په لسګونه زره کسان په کې وګومارو.»

بلخ کې د اوړو یوې تولیدي کارخونې مسوول، محمد یوسف شهباز هم وویل: « که موږ ته اجازه راکړل شي او خام مواد راته ورسیږي او موږ ته اسانتیاوې رامنځته کړي، موږ کولای شو له افغانستانه بهر هم صادرات ولرو.»

د راپورونو پربنسټ په کلني ډول افغانستان ۶ میلیونه ټنه اوړو ته اړتیا لري چې د بلخ سیمه ییزو مسوولینو په خبره دا مهال د اوړو کورنۍ تولیدي کارخونې د ۵ میلیونه ټنه اوړو د تولید وړتیا لري.

بلخ کې کارخونه لرونکي: د اوړو د وادولو مخه دې ونیول شي

دوی د یوې خبري ناستې پرمهال له سرپرست حکومته غواړي چې، په هېواد کې له تولیدي کارخونو ملاتړ وکړي.

تصویر بندانگشتی

بلخ کې د اوړو تولیدي کارخونو یو شمېر مسوولین د خپلو فعالیتونو بندښت ته په اندېښنې سره وايي، له ګاونډیو هېوادونو دې د اوړو واردولو مخه ونیول شي.

دوی د یوې خبري ناستې پرمهال له سرپرست حکومته غواړي چې، په هېواد کې له تولیدي کارخونو ملاتړ وکړي.

د دوی په خبره، دمګړۍ په هېواد کې د اوړو له ۲۰۰ کارخونو یوازې لس کارخونې یې فعاله دي.

دغه کارخونه لرونکي زیاتوي، د تړل شویو کارخونو په بیا فعالېدو سره به نږدې پنځوس زره کسانو ته کاري زمینې برابرې شي.

شمال حوزه کې د اوړو فابریکه لرونکو ټولنې رییس، بسم الله همدرد وویل: « له دولته مو هیله همدا ده چې د اوړو د محصول فیصدي دومره پورته کړي چې نورې کارخونې هم جوړې شي او موږ سل سلنه ځان بساینې ته ورسېږو.»

بلخ کې د اوړو یوې تولیدي کارخونې مسوول، احمد شاه ستانکزي هم وویل: « تر راتلونکو پنځو کلونو موږ په بشپړه توګه ځان بساینې ته رسېږو او اړتیا نه لرو چې اوړه وارد کړو.»

یو شمېر نور کارخونه لرونکي له ګاونډیو هېوادونو د اوړو د وارداتو مخنیوي غوښتونکي دي.

د بلخ د صنایعو او کانونو خونې رییس، مبشر سادات په دې اړه وویل: « که دولت راسره مرسته وکړي موږ کولای شو تر ۲۰۰ ډېرې کارخونې ولرو او په لسګونه زره کسان په کې وګومارو.»

بلخ کې د اوړو یوې تولیدي کارخونې مسوول، محمد یوسف شهباز هم وویل: « که موږ ته اجازه راکړل شي او خام مواد راته ورسیږي او موږ ته اسانتیاوې رامنځته کړي، موږ کولای شو له افغانستانه بهر هم صادرات ولرو.»

د راپورونو پربنسټ په کلني ډول افغانستان ۶ میلیونه ټنه اوړو ته اړتیا لري چې د بلخ سیمه ییزو مسوولینو په خبره دا مهال د اوړو کورنۍ تولیدي کارخونې د ۵ میلیونه ټنه اوړو د تولید وړتیا لري.

شریک یي کړئ

په دې اړه مو اندونه