Skip to main content
وروستي خبرونه
تصویر بندانگشتی

نړۍوال بانک له افغانستان سره یو مېلیارد او ۷۰۰ مېلیونه ډالره مرسته کړې

نړۍوال بانک وايي چې، د ۲۰۲۱ کال له اګسټ وروسته یې له افغانستان سره، یو مېلیارد او ۷۰۰ مېلیونه ډالره مرسته کړې ده.

دغه بنسټ په خپل نوي راپور کې زیاتوي چې، د افغاني ټولنې ثبات او معیشت ملاتړ، روغتیايي بیړنۍ غبرګون، د خوړو بیړنۍ خوندیتوب، د مدني ټولنو د سازمانونو د ظرفیت لوړولو ملاتړ او د کوچنیو پورو پیاوړتیا؛ په افغانستان کې د نړۍوال بانک له مهمو پروژو څخه دي.

نړۍوال بانک په راپور کې راغلي:«د افغانستان د ټولنې د ثبات او معیشت ملاتړ، روغتیايي بیړنۍ غبرګون، د خوراکي امنیت بیړنۍ ملاتړ، د مدني ټولنې د سازمانونو د ظرفیت لوړونې ملاتړ، د کوچنیو پورونو او تشبثاتو پیاوړتیا، د افغانستان لپاره د اوبو د بیړنۍ مرستې پروژه او د خصوصي سکتور پراختیا پروګرام، د نړۍوال بانک ځینې مهمې فعالې پروژې دي.

نړۍوال بانک ټینګار کړی چې، په دغو ټولو پروژو کې ښځې په محوریت کې دي، څو ډاډ ترلاسه شي چې، دا فعالیتونه د ښځو لخوا د ښځو لپاره پلي کېږي.

 بلخوا، د اقتصاد وزارت په افغانستان کې د نړۍوال بانک فعالیتونه مهم بولي او ټینګار کوي چې، دغه بنسټ باید په افغانستان کې، خپلې نیمګړې پروژې بشپړې کړي.
                  
د اقتصاد وزارت ویاند عبدالرحمن حبیب وویل:«نړۍوال بانک مخکې په بېلابېلو سکټورونو کې لکه، بېخ‌بناوو، محاسباتو او مخابراتو، د برېښنا تولید، کرنې سکټور، روغتیا او پوهنې په سکټورونو کې یې د ګڼ شمېر پروژو مالي تمویل کاوه او د نړۍوال بانک د نیمګړو پروژو بیا پيل، د کاري فرصتونو سربېره، د کورنیو د اقتصاد پیاوړتیا او په ښاري او کلیوالو سیمو کې د خدمتونو د وړاندې کولو د ښه‌والي، د اقتصادي بېخ‌بناوو د پیاوړتیا او زموږ د خلکو د اقتصادي وضعیت د ښه‌والي لامل به شي.»

دا په داسې حال کې ده چې، پر افغانستان د اسلامي امارت له بیا واکمنېدو وروسته، د نړۍوال بانک په ګډون ډېری نړۍوالو بنسټونو په افغانستان کې خپل فعالیتونه ودرول چې، د اقتصادي کارپوهانو په وینا، د دغو بنسټونو د فعالیتونو بیا پیلېدل کولای شي د هېواد پر اقتصاد مثبتې اغېزې ولري.

نړۍوال بانک له افغانستان سره یو مېلیارد او ۷۰۰ مېلیونه ډالره مرسته کړې

نړۍوال بانک ټینګار کړی چې، په دغو ټولو پروژو کې ښځې په محوریت کې دی څو ډاډ ترلاسه شي چې، دا فعالیتونه د ښځو لخوا د ښځو لپاره پلي کېږي.

تصویر بندانگشتی

نړۍوال بانک وايي چې، د ۲۰۲۱ کال له اګسټ وروسته یې له افغانستان سره، یو مېلیارد او ۷۰۰ مېلیونه ډالره مرسته کړې ده.

دغه بنسټ په خپل نوي راپور کې زیاتوي چې، د افغاني ټولنې ثبات او معیشت ملاتړ، روغتیايي بیړنۍ غبرګون، د خوړو بیړنۍ خوندیتوب، د مدني ټولنو د سازمانونو د ظرفیت لوړولو ملاتړ او د کوچنیو پورو پیاوړتیا؛ په افغانستان کې د نړۍوال بانک له مهمو پروژو څخه دي.

نړۍوال بانک په راپور کې راغلي:«د افغانستان د ټولنې د ثبات او معیشت ملاتړ، روغتیايي بیړنۍ غبرګون، د خوراکي امنیت بیړنۍ ملاتړ، د مدني ټولنې د سازمانونو د ظرفیت لوړونې ملاتړ، د کوچنیو پورونو او تشبثاتو پیاوړتیا، د افغانستان لپاره د اوبو د بیړنۍ مرستې پروژه او د خصوصي سکتور پراختیا پروګرام، د نړۍوال بانک ځینې مهمې فعالې پروژې دي.

نړۍوال بانک ټینګار کړی چې، په دغو ټولو پروژو کې ښځې په محوریت کې دي، څو ډاډ ترلاسه شي چې، دا فعالیتونه د ښځو لخوا د ښځو لپاره پلي کېږي.

 بلخوا، د اقتصاد وزارت په افغانستان کې د نړۍوال بانک فعالیتونه مهم بولي او ټینګار کوي چې، دغه بنسټ باید په افغانستان کې، خپلې نیمګړې پروژې بشپړې کړي.
                  
د اقتصاد وزارت ویاند عبدالرحمن حبیب وویل:«نړۍوال بانک مخکې په بېلابېلو سکټورونو کې لکه، بېخ‌بناوو، محاسباتو او مخابراتو، د برېښنا تولید، کرنې سکټور، روغتیا او پوهنې په سکټورونو کې یې د ګڼ شمېر پروژو مالي تمویل کاوه او د نړۍوال بانک د نیمګړو پروژو بیا پيل، د کاري فرصتونو سربېره، د کورنیو د اقتصاد پیاوړتیا او په ښاري او کلیوالو سیمو کې د خدمتونو د وړاندې کولو د ښه‌والي، د اقتصادي بېخ‌بناوو د پیاوړتیا او زموږ د خلکو د اقتصادي وضعیت د ښه‌والي لامل به شي.»

دا په داسې حال کې ده چې، پر افغانستان د اسلامي امارت له بیا واکمنېدو وروسته، د نړۍوال بانک په ګډون ډېری نړۍوالو بنسټونو په افغانستان کې خپل فعالیتونه ودرول چې، د اقتصادي کارپوهانو په وینا، د دغو بنسټونو د فعالیتونو بیا پیلېدل کولای شي د هېواد پر اقتصاد مثبتې اغېزې ولري.

شریک یي کړئ