اقتصاد وزارت له ملګرو ملتونو غوښتي چې، په ۲۰۲۵ کال کې له افغانستان سره خپلې مرستې پر پراختیايي پروژو متمرکزې کړي.
د اقتصاد وزارت ویاند طلوعنیوز ته وايي، د دغه وزارت سرپرست دین محمد حنیف د یوناما له مشرې روزا اوتونبایوا سره کتنه کې هم په افغانستان کې د بشري مرستو پر د بهیر پر اغېزو او روڼتیا خبرې کړې دي.
دغه کتنه کې د یوناما د مرستیال انډریکا رټواټه په ګډون ځینو نورو چارواکو هم ګډون درلود.
د اقتصاد وزارت ویاند عبدالرحمن حبیب و ویل: « د اقتصاد وزارت سرپرست دغه کتنه کې ټنیګار کړی چې، روان زېږیز کال کې نړۍوال بنسټونه خپلې هڅې د پراختیایي پروژ پر پلي کولو متمرکزې کړي څو د خلکو ستونزې حل او د لوږې او بیکارۍ کچه ټیټه شي.»
د چارو ځینې شنونکي له اسلامي امارت سره د نړۍوالو مرستندویه موسسو د بشري مرستو همغږي د پروژو په ښه توګه پلي کولو کې مهمه یادوي او په پراختیایي او تشبثي پروګرامونو کې د دغو مرستو لګول ارزښتناک بولي.
د صنعتکارانو د ټولنې رییس، عبدالجبار ساپي طلوعنیوز ته و ویل: « لکه څرنګه چې د اقتصاد وزارت غوښتي، دغه مرستې باید خلکو ته د کاري زمینو برابرولو په برخه کې ولګول شي.»
د اقتصادي چارو شنونکي، عبدالغفار نظامي و ویل: « دغه بنسټ باید د افغانستان حکومت ته د خپلو فعالیتونو منظم راپور ورکړي. دا پر دغه بنسټ د افغانستان د خلکو او حکومت حق دی چې دوی دغه مرستې باید چاته ورکړي.»
هېواد کې هر کال د ژمي په راتګ سره د بې وزلۍ او بیکارۍ له امله د خلکو ستونزې زیاتیږي چې، بشري مرستو ته د اړتیا کچه هم ورسره لوړیږي.
په دې اړه مو اندونه