د عامې روغتیا وزارت تېره شپه ورځ کې د کرونا ویروس له ۱۱۶ مثبتو پېښو له ثبته خبر ورکوي.
د یاد وزارت د مالوماتو له مخې چې نن(پنجشنبې د لړم په لومړۍ نېټه) له رسنیو سره شریک شوي، ښیې چې یاده موده کې ۴ تنه د کوویډ۱۹ ناروغۍ له کبله مړه شوي هم دي.
د عامې روغتیا وزارت مالومات ښیې چې تازه پېښې د ۴۴۰ کتل شویو مشکوکو نښو پایله ده.
همداراز یاده موده کې ۷ تنه د کوویډ۱۹ ناروغان جوړ شوي دي.
د یادولو ده چې تازه پېښې ۱۲ کابل، ۴۱ هرات، ۳ کندهار، ۱۱بلخ، ۲ننګرهار، ۱۲ کندز، ۱۵ بغلان، ۱۲ غزني، ۱ پروان، ۲ لغمان، ۲ کنړ، ۲ پنجشېر او یوه هم په زابل ولایت کې ثبت شوې دي.