د عامې روغتیا وزارت وزارت د مالوتو له مخې تېره شپه ورځ کې د هېواد په کچه د کرونا ویروس ۷۸ تازه مثبتې پېښې ثبت شوې دي او ۴ تنه هم د یاد ویروس له کبله مړه شوي دي.
دغه مالومات چې نن(دوشنبې د سلواغې په ۶مه نېټه) له رسنیو سره شریک شوي، ښیې چې تازه پېښې د ۱۹۹۱ کتل شویو مشکوکو نښو پایله ده.
په همدې حال کې یاده موده کې د کوویډ۱۹ ناروغۍ ۶۷ ناروغان روغ شوي هم دي.
له دې سره هېواد کې د کرونا ویروس د ټولو مثبتو پېښو شمېر ۵۴ زره او ۷۵۰ ته ورسید چې له ډلې یې ۴۹۹۴ یې فعالې دي.
همداراز هېواد کې د کووید۱۹ ناروغۍ له کبله د ټولو مړو شویو کسانو شمېر هم ۲زره او ۳۹۰ ته ورسید.
د یادولو ده چې تازه پېښې ۳ کابل،و ۴۳ هرات، ۲ کندهار، ۴ بلخ، ۶ ننګرهار، ۲ تخار، ۱ غزني، ۱ بدخشان، ۱ هلمند، ۱ لغمان، ۵ کنړ او ۹ نورستان ولایتونو کې ثبت شوې دي.