د عامې روغتیا وزارت د مالوماتو له مخې تېره شپه ورځ کې د هېواد په کچه د کرونا ویروس ۴۸ مثبتې پېښې ثبت شوې دي او یو ناروغ هم  د یاد ویروس له کبله مړ شوی دی.

دغه مالومات چې نن(پنجشنبې د سلواغې په ۹مه نېټه) له رسنیو سره شریک شوي دي، ښیې چې ۳۴ تنه هم ټول هېواد کې د تېرو ۲۴ ساعتونو په ترڅ کې د کوویډ۱۹ له ناروغۍ روغ شوي دي.

همداراز تازه پېښې ۲ کابل، ۳ هرات، ۳ کندهار، ۱ بلخ، ۱۶ننګرهار، ۲ بغلان، ۱ پروان، ۱ میدان وردګ، ۱ بدخشان، ۲ بغلان، ۶ هلمند، ۷ لغمان، او ۳ هم په کنړ ولایت کې ثبت شوې دي.

اوسمهال هېواد کې د کرونا ویروس ۴ زره او ۹۵۸ پېښې فعالې دي او ۲ زره  او ۳۹۹ تنه هم د کوویډ۱۹ ناروغان مړه شوي دي.