د عامې روغتیا وزارت نن یکشنبې (د زمري په ۱۰مه) په تېرو څلرویشتو ساعتونو کې د کورونا ویروس د ۴۸۴ پېښو له ثبته خبر ورکوي چې دا پېښې د ۲۵۴۸ شکمنو معاینه شویو پېښو په پایله ده.
د دغه وزارت د شمېرو پربنسټ، په دغې موده کې د کووېډ نولس ۳۷ ناروغان مړه شوي او ۱۳۴۱ نور بېرته روغ شوي دي.
له دغو شمېرو سره په افغانستان کې د کووېد نولس د ناروغانو ټولیز شمېر ۱۴۷ زره او ۹۸۵ تنو او د مړه شویو ټولیز شمېر هم ۶ زره او ۷۷۴ تنو ته لوړ شوی دی.
د امریکا د جانز هاپکینز د پوهنتون د شمېرو پر بنسټ، په نړۍ کې پر کورونا ویروس د اخته کسانو شمېر ۱۹۷ مېلیونه او ۳۶۲ زرو تنو ته رسېدلی او څه باندې ۴ مېلیونه او ۲۲۰ زره تنه نور د دغې ویروس له امله مړه شوي دي.