هېواد کې د کرونا ویروس د اخته کسانو شمېر زیاتوالي سره، د عامې روغتیا وزیر وايي چې د یاد ویروس د تشخیص لپاره د لابراتوارونو ظرفیت لوړوي، څو په ورځ کې تر زرو پورې ازموینې ترسره کړي.
فیروز الدین فیروز نن(دوشنبې د وري په ۱۱مه نېټه) زیاته کړه چې درې اوونۍ مخکې افغانستان په ۲۴ ساعتونو کې د ۱۰۰ کسانو د ازموینې ظرفیت درلود، خو اوس په کابل، هرلت او ننګرهار کې د لابراتوارونو جوړولو سره دا اندازه ۳۰۰ ته رسېدلې ده.
ښاغلي فیروز دا خبرې د کرونا ویروس سره د مبارزې لوی مرکز پرانیستنې پرمهال وکړې او څرګنده یې کړه چې د دغه مرکز د کار فعالیت سره به افغانستان کولی شي په یوه ورځ کې د کووید نولس د ناروغۍ د زرو بیلګو تشخیص ظرفیت ولري.
د ښاغلي فیروز په خبره، تر هره اندازه چې د کرونا ویروس د تشخیص ظرفیت زیات شي، تر هماغه اندازه به هېواد کې د دغې ناروغۍ درملنه هم ژر وشي.
تر اوسه هېواد کې د کرونا ویروس ټولې مثبتې پېښې ۱۴۵ دي
هرات -۱۰۶
کابل - ۱۰ (۴بهرني وګړي)
فراه - ۵
سمنګان - ۴
نیمروز -۴
لوګر - ۳
بلخ -۳
زابل - ۲
غزني - ۱
بدخشان - ۱
کندهار - ۱
دایکندي - ۱
ننګرهار -۱
کاپیسا -۱
بادغیس - ۱
سرپل - ۱
مړه کسان - ۳
روغشوي - ۵