د عامې روغتیا وزارت هرات ولایت کې په کووید ۱۹ ناروغۍ د یوې اخته ښځې له مړینې خبر ورکوي.
یاد وزارت نن(چهارشنبې د وري په ۶مه نېټه) وايي چې مړه شوې ښځې ۴۵ کاله عمر درلود.
دا هېواد کې د کووید۱۹ ناروغۍ له کبله دوهمه مړینه ده، مخکې له دې بلخ ولایت کې یو کس د یادې ناروغۍ له کبله مړ شوی و.
دا په داسې حال کې ده چې هېواد کې د کووید۱۹ ناروغانو شمېر ورځ تر بلې مخ په زیاتېدو دی.
تېره شپه د عامې روغتیا وزارت هرات کې د ۳۴ تازه پېښو د ثبت خبر ورکړ.
اوس مهال هېواد کې د کرونا په ویروس ۷۸ تنه اخته دي.