د عامې روغتیا وزارت د مالوماتو له مخې تېره شپه ورځ کې د هېواد په کچه د کرونا ویروس ۱۵۴ مثبتې پېښې ثبت شوې او ۲۸ تنه هم د یاد ویروس له کبله مړه شوي دي.
د یاد وزارت د مالوماتو له مخې چې نن(دوشنبې د چنګاښ په ۲۳مه نېټه) خپاره شوي ښیې چې ۶۴ تنه هم یاده موده کې روغ شوي دي.
له تازه ثبت شویو پېښو سره هېواد کې د کرونا ویروس د ټولو مثبتو پېښو شمېر ۳۴زره او ۶۱۵ ته ورسید چې له ډلې یې ۱۲زره او ۲۸۷ یې فعالې دي.
تر اوسه هېواد کې د کرونا ویروس له کبله ۱۰۳۸ تنه مړه شوي او ۲۱زره او ۲۸۰ هم روغ شوي دي.
تازه پېښې ۷۸ یې کابل، ۴ کندهار، ۴ پکتیا، ۱۱ بامیان، ۸ تخار، ۳ بغلان، ۱ نیمروز، ۳پروان، ۱۱ بدخشان، ۲۶ دایکندي، ۱ هلمند، ۱ پنجشېر، ۲ کاپیسا او یوه هم زابل کې ثبت شوې دي.
تر اوسه هېواد کې د کرونا ویروس لپاره ۸۰زره او ۶۱۵ مشکوکې نښې کتل شوې دي.