پاکستان هر ورځ د کراچۍ بندر کې د افغانستان په توکو بار کانټینرو له درولو څخه یو میلیون ډالر اخلي.

د افغانستان ــ پاکستان د سوداګرۍ اوصنایعو ګډې خونې یو مسول د دغې مطلب په څرګندولو سره وایي چې دکرونا ویروس په پراختیا سره په سوداګریزو توکو بار له پنځه زره زیات کانټینر په کراچۍ بندر کې درول شوي او پاکستان هر ورځ له دغو کانټینرونو څخه د "دیمریج او ډیډتنشن" یو زیات شمیر پیسې اخلي.

خو د سوداګرۍ اوصنعت سرپرست وزیر وایي چې له پاکستان سره یو زیات شمیر ترانزیتي او سوداګریزې ستونزې حل شوې دي.

په دې خپرونه کې کوربه، وحید احمدي پر همدې موضوع د سوداګرۍ او پانګونې خونې د عامل پلاوي له رییس، سید زمان هاشمي سره خبرې کړې دي.