زلمی خلیلزاد وايي، په افغانستان کې د ښځو ځای ځایګی او حقونه داسې مسایل دي چې، د افغانستان د راتلونکي حکومت پر وړاندې د امریکا پر سیاست به نېغ په نېغه اغېز وکړي.

د افغانستان د سولې لپاره د امریکا ځانګړی استازی زیاتوي، د ښځو پر وړاندې تبعیض او د طالبانو دورې ته بېرته ستنېدل به د افغانستان پر وړاندې د امریکا پر سیاست منفي اغیز وکړي.

ښاغلی خلیلزاد زیاتوي، افغانانو ته نه ښايي چې، د شوروي له وتو وروسته تېروتنه تکرار کړي او واشنګټن به هم په هغه وخت کې هغه تېروتنه چې افغانستان یې یوازې پرېښود، بیا تکرار نه کړي.

په دغې خپرونه کې کوربه نعمت روان په دې اړه له خپلو مېلمنو سره بحث او خبرې کړې دي.

مېلمانه:

سیاسي شنونکی، مطیع الله ځلاند

د افغانستان بشري حقونو سازمان مشر، لعل ګل لعل